പിറന്നാൾ ദിനത്തിൽ കാശിയിലെത്തി സിനിമാ താരം ജയസൂര്യ. കാശിയിൽ നിന്നും ഭാര്യക്കൊപ്പമുള്ള ചിത്രങ്ങൾ താരം ഫേസ്ബുക്കിൽ പങ്കുവെച്ചിട്ടുണ്ട്. കാശിയിലെ രുദ്രാക്ഷ വില്പനശാലകളിൽ നിന്നുമുള്ള ചിത്രങ്ങൾക്കൊപ്പം,കറുപ്പുടുത്ത് കുങ്കുമം ചാർത്തിയുള്ള ചിത്രങ്ങളാണ് ജയസൂര്യ എഫ്ബി പേജിൽ പോസ്റ്റ് ചെയ്തിരിക്കുന്നത് .അതെ സമയം ഈ ചിത്രത്തിനടിയിൽ, ഒരു വിഭാഗം ആളുകൾ അധിക്ഷേപ പരാമർശങ്ങൾ ചൊരിയുന്നുണ്ട്. പിറന്നാൾ ദിനത്തിൽ താരം പങ്കു വെച്ച ചിത്രത്തിനടിയിൽ, ചിലർ വർഗീയാധിക്ഷേപങ്ങളും നടത്തുന്നുണ്ട് .
പൊതു വേദിയിൽ സർക്കാർ നിലപാടിനെ വിമർശിച്ചതിൽ പ്രതിഷേധിച്ചാണ് താരത്തിന് നേരെ സൈബർ ആക്രമണം നടക്കുന്നത്. തിരുവോണത്തിന് സമരം നടത്തുന്ന, കർഷകരുടെ പ്രശ്നങ്ങൾ ചൂണ്ടിക്കാണിച്ചു കൊണ്ട് ,കൃഷിമന്ത്രിയും, വ്യവസായ വകുപ്പ് മന്ത്രിയും വേദിയിൽ ഇരിക്കുമ്പോൾ , പരസ്യവിമർശനം നടത്തിയതാണ് സിപിഎം അണികളെ പ്രകോപിപ്പിച്ചത്. താരത്തിന്റെ പ്രസംഗത്തിന് വൻ പിന്തുണ ലഭിച്ചതോടെ , കൃഷിമന്ത്രി മറുപടിയുമായി രംഗത്തെത്തിയിരുന്നു.
അതെ സമയം ചിലർക്ക് പിറന്നാൾ ആശംസകൾ നേരുക എന്നതും രാഷ്ട്രീയപ്രവർത്തനം ആണെന്ന് വ്യക്തമാക്കി ബിജെപി നേതാവ് സന്ദീപ് വാരിയർ രംഗത്തെത്തി. ഒറ്റപ്രസംഗം കൊണ്ട് കേരളത്തിലെ ലക്ഷക്കണക്കിന് കർഷകരുടെ ഹൃദയത്തിൽ ആണെന്നും താരത്തെ ഫോണിൽ വിളിച്ച് ആശംസകൾ അറിയിച്ചതായും സന്ദീപ് വാരിയർ ഫേസ്ബുക് പോസ്റ്റിൽ വ്യക്തമാക്കി.
മലയാള സിനിമ ലോകത്ത് ഉണ്ണിമുകുന്ദന് ശേഷം, കടുത്ത സൈബർ ആക്രമണം ആണ് ജയസൂര്യയും നേരിടുന്നത്. ഈ സാഹചര്യത്തിൽ ആണ് സന്ദീപിന്റെ ഫേസ്ബുക് പോസ്റ്റും ശ്രദ്ധേയമാവുന്നത്
Discussion about this post