സൂര്യനോട് അടുത്ത് ആദിത്യ എൽ-01; രണ്ടാം ഭ്രമണ പഥം ഉയർത്തലും വിജയകരം

ബംഗളൂരു: ഭാരതത്തിന്റെ ആദ്യ ബഹിരാകാശ ദൗത്യമായ ആദിത്യ എൽ വണ്ണിന്റെ രണ്ടാം ഭ്രമണപഥ നിയന്ത്രണം വിജയകരമായി പൂർത്തിയാക്കിയതായി ഐഎസ്ആർഒ അറിയിച്ചു. ഇന്ന് പുലർച്ചെ 2.45 നായിരുന്നു ഭ്രമണപഥം ഉയർത്തൽ നടന്നത്. നിലവിൽ 282 കി.മീ x 40225 കി.മീ ദീർഘവൃത്തത്തിലുള്ള ഭ്രമണ പഥത്തിലാണ് ആദിത്യ. സെപ്റ്റംബർ 10 ആവും അടുത്ത ഭ്രമണ പഥം ഉയർത്തൽ നടക്കുക. ഇനി ഭൗമമണ്ഡലത്തിലെ രണ്ട് ഭ്രമണപഥം ഉയർത്തൽ കൂടിയാണ് ബാക്കിയുള്ളത്. ശേഷം എൽ-01 പോയിന്റിലേക്കുള്ള 125 ദിവസം നീണ്ടുനിൽക്കുന്ന യാത്ര ആദിത്യ എൽ-01 ആരംഭിക്കും. ഈ മാസം 10ന് പുലർച്ചെ 2.45 നാണ് അടുത്ത ഭ്രമണപഥം ഉയർത്തൽ.