ബംഗളുരു: ഇന്ത്യയുടെ പ്രദമ സൗര്യദൗത്യമായ ആദിത്യ എല് വൺ ലക്ഷ്യസ്ഥാനത്തിലേക്കുള്ള ഒരു നാഴികക്കല്ല് കൂടി മറികടന്നു. നാലാമത് ഭമണപഥം ഉയര്ത്തല് വിജയകരമായി പൂര്ത്തിയായതായി ഐഎസ്ആര്ഒ അറിയിച്ചു. പുലർച്ചെ രണ്ട് മണിയോടെയാണ് നാലാം ഭമണപഥം ഉയര്ത്തല് പൂര്ത്തിയായത്.
ആദ്യം സെപ്റ്റംബര് മൂന്നിന്നാണ് ഭമണപഥം ഉയര്ത്തിയത്. പിന്നീട് സെപ്റ്റംബര് അഞ്ചാം തീയ്യതി രണ്ടാം തവണയും, സെപ്തംബര് 10ന് മൂന്നാം തവണയും ഭ്രമണപഥം ഉയര്ത്തി. നാലാം തവണ ഭ്രമണപഥം ഉയര്ത്തല് പൂര്ത്തിയായതിന് ശേഷം പേടകം ഭൂമിയുടെ ഭ്രമണപഥം വിട്ട് ഒന്നാം ലഗ്രാഞ്ച് പോയിന്റിലേക്കുള്ള യാത്ര തുടങ്ങിയിരിക്കുകയാണ്. നാല് മാസം നീളുന്ന യാത്രയാണ് ആദിത്യ എല് ഒന്നിന്റെ മുന്നിലുള്ളത്. ഭൂമിയില് നിന്ന് 15 ലക്ഷം കിലോമീറ്റര് അകലെ ഒന്നാം ലഗ്രാഞ്ച് പോയിന്റിലേക്കാണ് പേടകത്തെ അയക്കുന്നത്.
ഭൂമിയിൽ നിന്ന് 256 കിലോമീറ്റർ അടുത്ത ദൂരവും 1,21,973 കിലോമീറ്റർ അകന്ന ദൂരവുമായിട്ടുള്ള ഭ്രമണപഥത്തിലാണ് പേടകം ഇപ്പോഴുള്ളത്. നാല് മാസം നീളുന്ന യാത്രയാണ് ആദിത്യ എല് ഒന്നിന്റെ മുന്നിലുള്ളത്. ഭൂമിയില് നിന്ന് 15 ലക്ഷം കിലോമീറ്റര് അകലെ ഒന്നാം ലഗ്രാഞ്ച് പോയിന്റിലേക്കാണ് പേടകത്തെ അയക്കുന്നത്.
ലഗ്രാഞ്ച് പോയിന്റ് 1-ൽ നിന്ന് പേടകം സൂര്യനെ നിരീക്ഷിച്ച് വിവരങ്ങൾ ശേഖരിക്കും. അത്യാധുനികമായ ഏഴ് പരീക്ഷണ ഉപകരണങ്ങളാണ് ആദിത്യയിലുള്ളത്. സൂര്യനിലെ കാലാവസ്ഥ, വിവിധ മണ്ഡലങ്ങൾ, സൗരവാതങ്ങളും അവയുടെ രൂപീകരണവും കൊറോണൽ മാസ് ഇജക്ഷൻ, സൗരജ്വാലകളുടെ സ്വഭാവവും സഞ്ചാരവും തുടങ്ങിയവയെല്ലാം ഇവ പഠിക്കും. ലഗ്രാഞ്ച് പോയിന്റിലേക്കുള്ള യാത്ര 19ന് ആരംഭിക്കും.
