ഒരാഴ്ച നീണ്ട അനന്ത്നാഗ് ഏറ്റുമുട്ടൽ അവസാനിച്ചു, ലഷ്കർ കമാൻഡറുടെ മൃതദേഹം കണ്ടെടുത്തു

ജമ്മു ആൻഡ് കശ്മീർ: അനന്ത്നാഗ് ജില്ലയിലെ ഗരോൾ വനങ്ങളിൽ ഒരാഴ്ച നീണ്ടുനിന്ന സംയുക്ത ഭീകരവിരുദ്ധ ഓപ്പറേഷൻ അവസാനിച്ചതായി കശ്മീർ അഡീഷണൽ ഡിജിപി വിജയ് കുമാർ ചൊവ്വാഴ്ച വ്യക്തമാക്കി. ഓപ്പറേഷൻ തീർന്നെങ്കിലും മറ്റ് ആവശ്യങ്ങൾക്ക് വേണ്ടിയുള്ള തിരച്ചിൽ തുടരും .തിങ്കളാഴ്ച കണ്ടെടുത്ത മൃതദേഹം കൊടും ഭീകരനും ലഷ്‌കർ-ഇ-തൊയ്ബ കമാൻഡറുമായ ഉസൈർ ഖാന്റേതാണെന്ന് തിരിച്ചറിഞ്ഞതായി കുമാർ പറഞ്ഞു.

ബോംബ് ഷെല്ലുകൾ നശിപ്പിക്കപ്പെടേണ്ട സ്ഥലങ്ങൾ ഉൾപ്പെടുന്ന ധാരാളം പ്രദേശങ്ങൾ ഉള്ളതിനാൽ അതിനു വേണ്ടിയുള്ള തിരച്ചിൽ തുടരും എന്ന് എ ഡിജിപി വ്യക്തമാക്കി

ലൈവ് ഗ്രനേഡുകളും ഷെല്ലുകളും ഉണ്ടാകാൻ സാധ്യതയുള്ളതിനാൽ പ്രദേശത്തേക്ക് പോകരുതെന്ന് പോലീസ് ഉദ്യോഗസ്ഥർ ജനങ്ങളോട് നിർദ്ദേശിച്ചു.