കാസർഗോഡ് : വീണ്ടും ഉത്ഘാടനവേദിയിൽ ക്ഷുഭിതനായി മുഖ്യമന്ത്രി പിണറായി വിജയൻ. ഇത്തവണ ബേഡഡുക്ക ഫാർമേഴ്സ് സഹകരണബാങ്കിന്റെ പുതിയകെട്ടിടം ഉത്ഘാടനവേദിയിലാണ് മുഖ്യമന്ത്രി ക്ഷുഭിതനായത്. ക്ഷുഭിതനായ പിണറായി വേദിയിൽ നിന്ന് ഇറങ്ങിപ്പോവുകയും ചെയ്തു.
മുഖ്യമന്ത്രി സംസാരിച്ചു തീരുന്നതിന് മുൻപ് , മൊമെന്റോ കൈമാറാൻ മുഖ്യമന്ത്രിയെ ക്ഷണിച്ചതാണ് പ്രകോപന കാരണം. ‘ഔപചാരികമായി ഉദ്ഘാടനം ചെയ്തെന്ന് അറിയിച്ചുകൊണ്ട് അവസാനിപ്പിക്കുന്നു’ എന്ന് മുഖ്യമന്ത്രി പറഞ്ഞതിനു പിന്നാലെ അനൗൺസ്മെന്റ് ആരംഭിക്കുകയായിരുന്നു. ഇതാണ് മുഖ്യമന്ത്രിയെ ചൊടിപ്പിച്ചത്.
ഉത്ഘാടന പ്രസംഗത്തിനു പിന്നാലെ ഉപഹാരസമർപ്പണവും, നടത്തേണ്ടിയിരുന്നതും മുഖ്യമന്ത്രി തന്നെയായിരുന്നു. എന്നാൽ ഉപഹാര സമർപ്പണം നടത്താതെ മുഖ്യമന്ത്രി വേദിയിൽ നിന്നും ക്ഷോഭിച്ച് ഇറങ്ങിപ്പോവുകയായിരുന്നു. പ്രസംഗം അവസാനിച്ചെന്ന് കരുതിയാണ്, മുഖ്യമന്ത്രിയെ ഉപഹാരസമർപ്പണത്തിനായി ക്ഷണിച്ചത്.
‘ഞാൻ സംസാരിച്ച് കഴിഞ്ഞില്ല.. അയാൾക്ക് ചെവിടും കേൾക്കില്ലെന്ന് തോന്നുന്നു. ഇതൊന്നും മര്യാദയല്ല’ എന്നു പറഞ്ഞാണ് മുഖ്യമന്ത്രി പിണറായി വിജയൻ വേദി വിട്ട് ഇറങ്ങിപ്പോയത്
Discussion about this post