കോഴിക്കോട് : സംസ്ഥാന പാതയില്‍ ബസിടിച്ച് സ്‌ക്കൂട്ടര്‍ യാത്രക്കാരിയായ യുവതി മരിച്ചു. കുറ്റിയാടിയില്‍ നിന്ന് കോഴിേക്കാടിന് പോവുകയായിരുന്ന ബസ് സ്കൂട്ടറിൽ ഇടിക്കുകയായിരുന്നു. ലാസ്റ്റ് കല്ലോട് ബസ് സ്റ്റോപ്പിന് സമീപം കല്ലൂര്‍ റോഡ് ജംഗ്ഷനിലാണ് ബസ്സും സ്കൂട്ടറും കൂട്ടിയിടിച്ചത്.
ഭർത്താവുമൊപ്പം സ്കൂട്ടറിൽ യാത്ര ചെയ്യുകയായിരുന്നു യുവതി. എതിർവശം വന്ന സ്വകാര്യ ബസ് സ്കൂട്ടറിൽ ഇടിക്കുകയും, യുവതി നിലത്തേക്ക് തെറിച്ചു വീഴുകയുമായിരുന്നു. നിലത്ത് വീണ യുവതിയുടെ ദേഹത്ത് ബസിന്റെ പിൻചക്രം കയറിയിറങ്ങി.സംഭവസ്ഥലത്ത് തന്നെ ഇവർ മരിച്ചു
കുറ്റിയാടി കോഴിക്കോട് റൂട്ടിലോടുന്ന നദാഷ ബസ് ആണ് സ്കൂട്ടറിൽ ഇടിച്ചത്. കടിയങ്ങാട് മുതുവണ്ണാച്ച കൊടുവള്ളി പുറത്ത് കുഞ്ഞിക്കണ്ണന്റെ ഭാര്യ വിജയ (51) ആണ് മരിച്ചത്.
Discussion about this post