കോഴിക്കോട്: പട്ടാപ്പകൽ സുഹൃത്തിന്റെ വീട്ടിൽക്കയറി മോഷണം നടത്താൻ ശ്രമിച്ച പ്രതി പിടിയിലായി. കോഴിക്കോട് മുക്കം ചക്കാലക്കുന്നത്ത് അനീഷിനെ(32)യാണ് മുക്കം പോലീസ് പിടികൂടിയത്.
ബുധനാഴ്ച ഉച്ചയ്ക്ക് ഒരുമണിയോടെയാണ് സുഹൃത്തായ മുക്കം മണാശ്ശേരി എബിന്റെ വീട്ടിൽ മോഷണം നടത്താൻ ച്ചത്. മോഷ്ടിച്ച ഒന്നേകാൽ തൂക്കമുള്ള സ്വർണമാലയും പ്രതിയിൽനിന്ന് കണ്ടെടുത്തു. വീടിനെക്കുറിച്ച് നന്നായി അറിയുന്ന മോഷ്ടാവായ അനീഷ് മോഷണത്തിന് മുമ്പ് സുഹൃത്തിനെ വിളിച്ച് വീട്ടിൽ ആരുമില്ലന്ന് ഉറപ്പ് വരുത്തിയിരുന്നു. പ്രതി മോഷണം നടത്തുന്നതിനിടെയിൽ തിരിച്ചെത്തിയ വീട്ടുകാർ ബഹളം വെച്ചതോടെ പ്രതി ടെറസിൽ നിന്ന് ചാടി രക്ഷപ്പെടാൻ ശ്രമിക്കുകയായിരുന്നു.
നാട്ടുകാരാണ് പ്രതിയെ പിടികൂടി പോലീസിൽ ഏൽപ്പിച്ചത്. വീഴ്ചയിൽ പ്രതിക്ക് താടിക്ക് പരിക്കേറ്റിട്ടുണ്ടെന്നും പരിക്ക് ഗുരുതരമല്ലെന്നും പോലീസ് പറഞ്ഞു.
Discussion about this post