കോഴിക്കോട്: ടൂറിസ്റ്റ് ഹോമിൽ യുവാവ് വെടിയേറ്റ നിലയിൽ. കൊയിലാണ്ടി കാവുന്തറ സ്വദേശി ശംസുദ്ധീനെയാണ് വെടിയേറ്റ നിലയിൽ കണ്ടെത്തിയത്. ഇയാൾക്ക് തലയ്ക്ക് ഗുരുതര പരിക്കുണ്ട്. സ്വയം വെടിയുതിർത്തതാണെന്നാണ് പ്രാഥമിക നിഗമനം. ഇന്ന് പുലർച്ചെയാണ് കെ എസ് ആർടിസി ബസ് സ്റ്റാൻഡിന് സമീപത്തെ ലോഡ്ജിൽ ശംസുദ്ധീനെ വെടിയേറ്റ നിലയിൽ കണ്ടെത്തിയത്.
യുവാവിനെ കാണാനില്ലെന്ന് കുടുംബം പോലീസിൽ പരാതി നൽകിയിരുന്നു. ഇയാൾ ലോഡ്ജിൽ ഉണ്ടെന്ന വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് വെടിയേറ്റ നിലയിൽ കണ്ടെത്തിയത്. വാതിൽ ചവിട്ടിത്തുറന്നാണ് പൊലീസ് മുറിക്കകത്ത് പ്രവേശിച്ചത്. തലയ്ക്ക് ഗുരുതര പരിക്കേറ്റ നിലയിലാണ്
ഇയാളെ ആദ്യം സ്വകാര്യ ആശുപത്രിയിലും പിന്നീടു കോഴിക്കോട് ഗവ. മെഡിക്കൽ കോളജ് ആശുപത്രിയിലും പ്രവേശിപ്പിച്ചു. നടക്കാവ് പൊലീസ് അന്വേഷണം തുടങ്ങി.
Discussion about this post