പിറവി’ എന്ന ആശയത്തില്‍ വ്യത്യസ്ത ഫോട്ടോഷൂട്ടുമായി മിസ് ട്രാന്‍സ് ഗ്ലോബല്‍ ജേതാവായ ശ്രുതി സിതാര. കുഞ്ഞ് ഗര്‍ഭപാത്രത്തില്‍ കിടക്കുന്നതുപോലെയാണ് ശ്രുതിയുടെ ഫോട്ടോ ഷൂട്ട്. ട്രാന്‍സ് വ്യക്തികള്‍ അവരുടെ വ്യക്തിത്വം തിരിച്ചറിഞ്ഞ് പുതിയ ജീവിതം തുടങ്ങുന്നത് ഒരു കുഞ്ഞ് ജനിക്കുന്നതുപോലെതന്നെയാണ്. അവരുടെ ജീവിതം എല്ലാതരത്തിലും മാറുകയാണ്. പിറവി എന്ന ഫോട്ടോഷൂട്ടിലൂടെ അതാണ് ഉദ്ദേശിക്കുന്നതെന്നും ബിബിന്‍ പറഞ്ഞു.
കോസ്റ്റ്യൂം ചെയ്തിരിക്കുന്നത് സ്മൃതി സൈമണാണ്. മേക്കപ്പും ഹെയര്‍സ്‌റ്റൈലും ചെയ്തിരിക്കുന്നത് രഞ്ജിത്ത് രാജാണ്.
ഏതൊരു പിറവിയും സന്തോഷവും പ്രതീക്ഷയും നല്‍കുന്നതാണെന്നും ട്രാന്‍സ് വ്യക്തികളുടെ ജീവിതംകൂടിയാണ് ഈ ഫോട്ടോഷൂട്ടിലൂടെ പങ്കുവെച്ചതെന്നും ഈ ഫോട്ടോഷൂട്ടിന്റെ കണ്‍സപ്റ്റ് ആന്റ് ഫോട്ടോഗ്രഫി ചെയ്ത ബിബിന്‍ പറഞ്ഞു.
Discussion about this post