കോഴിക്കോട്: വന്ദേ ഭാരത് ട്രെയിൻ യാത്രയ്ക്കിടെ, യാത്രികൻ പുകവലിച്ചതിനെ തുടർന്ന് ട്രെയിൻ ട്രാക്കിൽ സ്വയം നിന്നു .പുകവലിച്ചതിനെ തുടര്‍ന്ന് ഫയര്‍ ഡിറ്റക്ഷന്‍ സിസ്റ്റം പ്രവര്‍ത്തിച്ചതോടെയാണ് ട്രെയിൻ ട്രാക്കിൽ നിന്നത്. കാസര്‍കോട് നിന്നും തിരുവനന്തപുരം പോവുകയായിരുന്ന വന്ദേഭാരത് ട്രെയിനാണ് , തിക്കോടിക്ക് അടുത്ത് നിശ്ചലമായത്. തിങ്കളാഴ്ച നാലുമണിയോടെയായിരുന്നു സംഭവം.
ട്രെയിനിലുണ്ടായിരുന്ന യാത്രക്കാരൻ, ശുചിമുറിയില്‍ കയറി മദ്യവും സിഗരറ്റും ഉപയോഗിച്ചുവെന്നാണ് പ്രാഥമിക നിഗമനം.മെക്കാനിക്കല്‍ വിഭാഗം, ജീവനക്കാരെത്തി എഫ്.ഡി.എസ്. സംവിധാനത്തിലെ പാനല്‍ മാറ്റിയതിന് ശേഷമാണ് ട്രെയിന്‍ യാത്ര തുടര്‍ന്നത്. ഇതോടെ ട്രെയിന്‍ പതിനഞ്ച് മിനിറ്റ് വൈകിയാണ് കോഴിക്കോട് എത്തിയത് .
മെക്കാനിക്കല്‍ വിഭാഗം ആര്‍പിഎഫിന് ഇതുമായി ബന്ധപ്പെട്ട വിവരങ്ങള്‍ കൈമാറിയിട്ടുണ്ട്. യാത്രക്കാരന്മേൽ റെയിൽവേ പിഴചുമത്തുകയും, കേസെടുക്കുകയും ചെയ്തിട്ടുണ്ട് . കഴിഞ്ഞ മാസം തിരൂര്‍, പട്ടാമ്പി- പള്ളിപ്പുറം എന്നിവിടങ്ങളിലും യാത്രക്കാരന്‍ പുകവലിച്ചതിനെ തുടര്‍ന്ന് വന്ദേഭാരത് ട്രെയിന്‍ നിന്നിരുന്നു.
Discussion about this post