ചെന്നൈ : സിനിമാതാരം നയൻതാരയ്ക്ക് വിഘ്‌നേശ് ശിവൻ പിറന്നാൾ സമ്മാനായി നൽകിയത് അത്യാഢംബര എസ് യു വി. മെഴ്സിഡീസ് ബെൻസിന്റെ അത്യാഡംബര എസ്‍യുവിയായ മെയ്ബ ജിഎൽഎസ് 600 ആണ് താരത്തിന് സമ്മാനമായി ലഭിച്ചത്
നയൻതാരയുടെ 39–ാം പിറന്നാൾ ദിനമായ നവംബര്‍ 18നാണ് വിഘ്നേഷ് ശിവൻ എസ്യുവി സമ്മാനിച്ചതെങ്കിലും ഇപ്പോഴാണ് വാഹനത്തിന്റെ വിഡിയോയും ചിത്രങ്ങളും പുറത്തുവരുന്നത്. പിറന്നാള്‍ ദിനത്തില്‍ ‘ഹാപ്പി ബര്‍ത്ത്‌ഡേ മൈ തങ്കമ്മേ’ എന്ന് ആശംസിച്ച വിഘ്നേഷിന്റെ ഇന്‍സ്റ്റ പോസ്റ്റ് വൈറൽ ആയിരുന്നു.
മെഴ്സിഡീസ് മെയ്ബാക്കിന്റെ ലോഗോയുടെ ചിത്രങ്ങളും കുറിപ്പുമാണ് നയന്‍താര ഇന്‍സ്റ്റഗ്രാമില്‍ പങ്കുവച്ചിരിക്കുന്നത്. ‘വീട്ടിലേക്ക് സ്വാഗതം ബ്യൂട്ടീ. ഏറെ മധുരമുള്ള പിറന്നാള്‍ സമ്മാനത്തിന് എന്റെ പ്രിയതമന് നന്ദി. ലൗ യു’ എന്നാണ് നയന്‍താര ഇന്‍സ്റ്റഗ്രാമില്‍ പോസ്റ്റു ചെയ്തിരിക്കുന്നത്.
Discussion about this post