തിരുവനന്തപുരം: സിപിഐ സംസ്ഥാന സെക്രട്ടറി കാനം രാജേന്ദ്രൻ (73) അന്തരിച്ചു. കൊച്ചിയിലെ സ്വകാര്യ ആശുപത്രിയില് ഹൃദയാഘാതത്തെ തുടര്ന്നായിരുന്നു അന്ത്യം.
ആരോഗ്യപ്രശ്നങ്ങള് അലട്ടുന്നതുമൂലം അദ്ദേഹം കഴിഞ്ഞ കുറച്ചുകാലമായി ചികിത്സയിലും വിശ്രമത്തിലുമായിരുന്നു. അടുത്തസമയത്ത് കാലിന് ശസ്ത്രക്രിയയും നടന്നിരുന്നു.
അനാരോഗ്യംമൂലം സി.പി.ഐ. സംസ്ഥാനസെക്രട്ടറിസ്ഥാനത്ത് നിന്ന് അവധിയെടുക്കാൻ കഴിഞ്ഞ ദിവസം ദേശീയ നേതൃത്വത്തിന് അപേക്ഷ നല്കിയിരുന്നു. പിന്നാലെയാണ് മരണം.
2015 മുതൽ കാനം സിപിഐ സംസ്ഥാന സെക്രട്ടറി ചുമതല വഹിച്ചു വരികയാണ്. 1982 ലും 1987 ലും കോട്ടയം വാഴൂര് മണ്ഡലത്തില് നിന്ന് നിയമസഭയിലേക്ക് വിജയിച്ചിട്ടുണ്ട്. എഐവൈഎഫ് സംസ്ഥാന സെക്രട്ടറി, എഐടിയുസി സംസ്ഥാന സെക്രട്ടറി തുടങ്ങിയ ചുമതലകളും വഹിച്ചിട്ടുണ്ട്.
കോട്ടയം ജില്ലയിലെ കാനം എന്ന ഗ്രാമത്തില് 1950 നവംബര് 10-നാണ് കാനം രാജേന്ദ്രൻറെ ജനനം. എഴുപതുകളില് വിദ്യാര്ഥി രാഷ്ട്രീയത്തിലൂടെയാണ് കാനത്തിന്റെ രാഷ്ട്രീയരംഗത്തേക്കുള്ള പ്രവേശനം
