“പിണറായി വിജയൻ സൂര്യനെ പോലെയാണ്, അടുത്ത് പോയാൽ കരിഞ്ഞ് പോകും” : എംവി ഗോവിന്ദൻ

തൃശൂർ: പിണറായി വിജയൻ സൂര്യനെ പോലെയാണെന്നും, അടുത്തുപോയാൽ കരിഞ്ഞ് പോകുമെന്നും സിപിഎം സംസ്ഥാന സിക്രട്ടറി എംവി ഗോവിന്ദൻ.
കറ പുരളാത്ത കൈയ്യാണ് മുഖ്യമന്ത്രി പിണറായി വിജയന്റേതെന്നും എംവി ഗോവിന്ദൻ അഭിപ്രായപ്പെട്ടു.

തൃശ്ശൂരിൽ സ്വർണക്കടത്ത് കേസുമായി ബന്ധപ്പെട്ട് പ്രധാനമന്ത്രി മോദി നടത്തിയ പരാമർശത്തെ വിമർശിച്ച എംവി ഗോവിന്ദൻ, കേസ് അന്വേഷിക്കാൻ എന്താണ് തടസമെന്നും ചോദിച്ചു.

സ്വർണക്കടത്ത് കേസ് കൈകാര്യം ചെയ്യേണ്ടത് കേന്ദ്ര ഏജൻസികളാണ്. വിമാനത്താവളം കേന്ദ്രത്തിന്റെ നിയന്ത്രണത്തിലാണ്. പിന്നെ എവിടെയാണ് സ്വർണക്കടത്ത് കേസ് പോയത്. ഗോവിന്ദൻ ചോദിച്ചു.

ആളെ പറ്റിക്കാൻ പൈങ്കിളി കഥയുമായി ഇറങ്ങുകയാണ് ബിജെപിയും പ്രധാനമന്ത്രിയുമെന്നും ഗോവിന്ദൻ ആരോപിച്ചു

സ്ത്രീ ശാക്തീകരണത്തിന്റെ കേരള മോഡൽ കുടുംബശ്രീയാണ്. സ്ത്രീശാക്തീകരണ ചരിത്രത്തിൽ നിന്ന് ബോധപൂർവം ചില പേരുകൾ പ്രധാനമന്ത്രി ഒഴിവാക്കിയതായും എം.വി ഗോവിന്ദൻ കുറ്റപ്പെടുത്തി.