കൊല്ലം: സംസ്ഥാന സ്കൂൾ കലോത്സവം അവസാനിക്കാൻ മണിക്കൂറുകൾ മാത്രം ബാക്കി. സ്വർണ്ണ കപ്പിനായി വാശിയേറിയ പോരാട്ടമാണ് അരങ്ങേറുന്നത്. ഇഞ്ചോടിഞ് പോരാട്ടത്തിൽ നിലവിൽ 944 പോയിന്റുമായി കോഴിക്കോട് ജില്ലയാണ് മുന്നിൽ. തൊട്ടുപിറകിൽ 942 പോയിന്റുമായി കണ്ണൂരാണ് രണ്ടാം സ്ഥാനത്ത് തുടരുന്നത്. രാവിലെ 9.30ന് ആരംഭിച്ച മത്സരങ്ങള് ഉച്ചയോടെ അവസാനിക്കും. വൈകിട്ട് 4.30 നാണ് സമാപന സമ്മേളനം. സമാപന സമ്മേളനം പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്യും. മമ്മൂട്ടി മുഖ്യാതിഥിയാകും. അടുത്ത കലോത്സവ വേദി എവിടെയെന്ന പ്രഖ്യാപനം കൊല്ലത്ത് ഉണ്ടാവില്ലെന്ന് വിദ്യാഭ്യാസമന്ത്രി വി ശിവൻകുട്ടി അറിയിച്ചു.
ഒന്നരപതിറ്റാണ്ടിന് ശേഷമാണ് സംസ്ഥാന കലോത്സവത്തിന് കൊല്ലം വേദിയാകുന്നത്. ഹൈസ്കൂൾ, ഹയർ സെക്കൻഡറി വിഭാഗങ്ങളിലായി 239 ഇനങ്ങളിൽ 14,000 പ്രതിഭകളാണ് മാറ്റുരയ്ച്ചത്. ആൺകുട്ടികൾക്കും പെൺകുട്ടികൾക്കുമുള്ള താമസസൗകര്യം 31 സ്കൂളുകളുകളിലായാണ് ഒരുക്കിയിരുന്നത്. പതിനാല് സ്കൂളുകളിലായി 2475 ആൺകുട്ടികൾക്കും ഒമ്പത് സ്കൂളുകളിലായി 2250 പെൺകുട്ടികൾക്കുമാണ് താമസ സൗകര്യം. കൂടാതെ എല്ലാ ടൗൺ ബസ് സർവ്വീസുകളും കെഎസ്ആർടിസി, ഓർഡിനറി ബസുകളും ചിന്നക്കട ആശ്രമം വഴി കടപ്പാക്കട റൂട്ടിലൂടെ കലോത്സവം അവസാനിക്കുന്നതുവരെ സർവ്വീസ് തുടരും.
Discussion about this post