തൃശൂർ: മലയാള സിനിമയിലെ എല്ലാ സൂപ്പർ താരങ്ങളും അണിനിരന്ന് സുരേഷ് ഗോപിയുടെ മകള്‍ ഭാഗ്യ സുരേഷിന്റെ വിവാഹം. ഗുരുവായൂരപ്പനെ സാക്ഷിയാക്കി പ്രധാനമന്ത്രിയുടെ സാന്നിധ്യത്തിൽ നടന്ന വിവാഹം ഭാഗ്യ സുരേഷിന്റെയും ശ്രേയസ് മോഹന്റെയും ജീവിതത്തിലെ അവിസ്മരണീയമായ നിമിഷമായിരിക്കും. ഗുരുവായൂരപ്പനെ സാക്ഷിയാക്കി വിവാഹിതരായ ദമ്പതികൾക്ക് പ്രധാനമന്ത്രി അക്ഷതം നൽകിയാണ് ആശീർവദിച്ചത്.
ഗുരുവായൂർ ക്ഷേത്രത്തിലെ നടപ്പന്തലിലെ കല്യാണ മണ്ഡപത്തിലായിരുന്നു ഭാഗ്യ സുരേഷിന്റെ വിവാഹ ചടങ്ങ്. ഇതോടനുബന്ധിച്ച് ആരുടെയും വിവാഹത്തിന് മുടക്കം നരുത്തിയില്ല. ഒപ്പം ഭാഗ്യയുടെ താലികെട്ട് ചടങ്ങിൽ പങ്കെടുത്തതിന് ശേഷം തൊട്ടടുത്ത് വിവാഹം നടന്ന 10 വധുവരന്മാർക്കും പ്രധാനമന്ത്രി ആശംസ അറിയിച്ചു. വധുവരന്മാർക്ക് അക്ഷതം നൽകിയാണ് അനുഗ്രഹം നൽകിയത്.
സൂപ്പര്‍ താരങ്ങളായ മമ്മൂട്ടിയും മോഹന്‍ലാലും കുടുംബസമേതം ചൊവ്വാഴ്ച്ച രാത്രിതന്നെ ഗുരുവായൂരില്‍ എത്തിയിരുന്നു. നടന്‍മാരായ ജയറാം, ബിജു മേനോന്‍, ദിലീപ്, നടിമാരായ ഖുശ്ബു, കാവ്യാ മാധവന്‍, പാര്‍വതി, രചന നാരായണന്‍ കുട്ടി, സരയു, സംവിധായകരായ ഹരിഹരന്‍, ഷാജി കൈലാസ്‌, നിര്‍മാതാവ് സുരേഷ് കുമാര്‍ തുടങ്ങിയവരും ചടങ്ങിനെത്തി.
Discussion about this post