കോട്ടയം: മന്നത്ത് പത്മനാഭനെപ്പറ്റി ഇംഗ്ലീഷിൽ ഗവേഷണ ഗ്രന്ഥം പുറത്തിറക്കി എൻ എസ് എസ് സൊസൈറ്റി. “ശ്രീ മന്നത്ത് പത്മനാഭൻ, ലിവിങ് ബിയോണ്ട് ദി ഏജസ്’ എന്ന പേരിലാണ് പുസ്തകം പ്രസിദ്ധീകരിച്ചിരിക്കുന്നത്. മന്നത്ത് പത്മനാഭൻ്റെ ജീവിതവും പ്രവർത്തനങ്ങളും ലോകമാകെ കൂടുതൽ പരിചയപ്പെടുത്തുക എന്ന ലക്ഷ്യവുമായാണ് എൻ എസ് എസ് ഗവേഷണ ഗ്രന്ഥം പുറത്തിറക്കിയത്. നായർ സർവീസ് ഇംഗ്ലിഷിൽ ഗവേഷണ ഗ്രന്ഥം പുറത്തിറക്കിയാണ് ഈ ലക്ഷ്യത്തിലേക്ക് ചുവട് വയ്ക്കുന്നത്. ചങ്ങനാശേരി എൻഎസ്എസ് ഹിന്ദു കോളജ് പ്രിൻസിപ്പൽ പ്രഫ. എസ്.സുജാതയാണ് പുസ്‌തകത്തിന്റെ ചീഫ് എഡിറ്റർ
സൂമൂഹിക പരിഷ്‌കർത്താവ് എന്ന നിലയിൽ മന്നത്ത് പത്മനാഭന്റെ പ്രവർത്തനങ്ങൾ വിശദമായി ചർച്ച ചെയ്യുന്ന ലേഖനങ്ങൾ പുസ്തകത്തിലുണ്ട്. അദ്ദേഹത്തിന്റെ മത, സാമൂഹിക, സാംസ്‌കാരിക വിദ്യാഭ്യാസ രാഷ്ട്രീയ ഇടപെടലുകളും ഇതിൽ വിശദമായി ചർച്ച ചെയ്യുന്നു. കാലത്തിനു മുൻപേ സഞ്ചരിച്ച മന്നം എന്ന കർമയോഗിയെക്കുറിച്ചുള്ള എൻഎസ്എസ് ജനറൽ സെക്രട്ടറി ജി.സുകുമാരൻ നായരുടെ ലേഖനത്തോടെയാണു പുസ്തകം ആരംഭിക്കുന്നത്. വിവിധ മേഖലകളിൽ പ്രശസ്തരായവരുടെ 21 ലേഖനങ്ങളും പുസ്‌തകത്തിൽ ഉൾപ്പെടുത്തിയിട്ടുണ്ട്. മന്നത്തിൻ്റെ പ്രശസ്‌തമായ മുതുകുളം പ്രസംഗം ഉൾപ്പെടെയുള്ള പ്രഭാഷണങ്ങളുടെയും പ്രസ്താവനകളുടെയും ഇംഗ്ലിഷ് പരിഭാഷയും ഈ പുസ്തകത്തിലുണ്ട്. എൻഎസ്എസ് ജനറൽ സെക്രട്ടറി സുകുമാരൻ നായരുടെ മകളാണ് പ്രഫ. എസ് .സുജാത.
Discussion about this post