പാർലമെൻ്റിൽ കേന്ദ്ര സർക്കാരിന്റെ ഭരണ നേട്ടങ്ങൾ വിവരിച്ച് രാഷ്‌ട്രപതി ദ്രൗപദി മുർമു. ഇത് നവഭാരതത്തിന്റെ ഉദയമാണെന്നും രാജ്യം വികസനത്തിന്റെ പാതയിലാണെന്നും രാഷ്‌ട്രപതി പറഞ്ഞു. നാം അമൃത കാലത്തിന്റെ ആരംഭത്തിലാണ്, ഏക ഭാരതം ശ്രേഷ്ഠ ഭാരതമെന്നത് എടുത്തു കാണിക്കാൻ ഈ സമയത്തിന് സാധിക്കുന്നുവെന്നും രാഷ്‌ട്രപതി ചൂണ്ടിക്കാട്ടി. പുതിയ പാർലമെൻ്റ് മന്ദിരത്തിലെ ആദ്യ അഭിസംബോധനയാണിത്.
കഴിഞ്ഞ വർഷം ഭാരതത്തിന് നേട്ടത്തിങ്ങളുടെ വർഷമായിരുന്നു. അതിവേഗം വളരുന്ന സമ്പദ്‌വ്യവസ്ഥയായി രാഷ്‌ട്രം മാറിയ വർഷം. ചരിത്രത്തിൽ ആദ്യമായി ചന്ദ്രന്റെ ദക്ഷിണധ്രുവത്തിൽ കൊടിനാട്ടിയ രാഷ്‌ട്രമായി ഇന്ത്യക്ക് സാധിച്ചു. വിജയകരമായ ജി20 ഉച്ചകോടിക്ക് ഇന്ത്യ ആതിഥേയത്വം വഹിച്ചതോടെ ഗ്ലോബല്‍ സൗത്തിന്റെ ശബ്ദമായി ഇന്ത്യ മാറി. ഏഷ്യൻ ഗെയിംസിൽ ഇന്ത്യ 100-ലധികം മെഡലുകൾ നേടി വർഷം. അടൽ ടണലും യാഥാർത്ഥ്യമായി കഴിഞ്ഞു. കഴിഞ്ഞ ഒരു പതിറ്റാണ്ടായി നടത്തിയ പദ്ധതികളുടെ വിപുലീകരണമാണ് ഇന്ന് കാണുന്ന ഇന്ത്യയെന്നും രാഷ്‌ട്രപതി പറഞ്ഞു.
കുട്ടിക്കാലം മുതൽ ‘ഗരീബി ഹഠാവോ’ എന്ന മുദ്രാവാക്യം കേട്ടാണ് താവളർന്നത്. എന്നാൽ ഇന്ന് ജീവിതത്തിൽ ആദ്യമായി വൻതോതിൽ ദാരിദ്ര്യ ന നിർമ്മാർജ്ജനം നടപ്പിലാക്കുന്നത് നേരിട്ട് കാണുന്നുവെന്നും രാഷ്‌ട്രപതി വൈകാരിക്കമായ് കൂട്ടിച്ചർത്തു. മേക്ക് ഇൻ ഇന്ത്യ’, ‘ആത്മനിർഭർ ഭാരത്’ എന്നിവ രാജ്യത്തിന്റെ ശക്തിയായി മാറിയെന്നും പ്രതിരോധ ഉൽപ്പാദനം ഒരു ലക്ഷം കോടി കടന്നുവെന്നും രാഷ്‌ട്രപതി പറഞ്ഞു.
Discussion about this post