പേടിഎം ഇ – കൊമേഴ്സ് അതിന്റെ പേര് മാറ്റാൻ ഒരുങ്ങുന്നു. പേടിഎം ഇനി പേയ് പ്ലാറ്റ്ഫോമുകൾ എന്ന പേരിൽ അറിയപ്പെടും. ഓൺലൈൻ റീട്ടെയിൽ ബിസിനസിൽ ഓഹരി നേടിക്കൊണ്ട് ഒഎൻഡിസി-യിലെ വിൽപ്പന പ്ലാറ്റ്‌ഫോമായ ബിറ്റ്സില സ്വന്തമാക്കിയതിന് പിന്നാലെയാണ് പേരുമാറ്റം. കമ്പനി ഏകദേശം മൂന്ന് മാസം മുമ്പ് തന്നെ പേര് മാറ്റത്തിന് അപേക്ഷിക്കുകയും ഫെബ്രുവരി 8 ന് കമ്പനി രജിസ്ട്രാറിൽ നിന്ന് അംഗീകാരം നേടുകയും ചെയ്തിരുന്നു.
പേടിഎം ഇ-കൊമേഴ്‌സിലെ ഏറ്റവും വലിയ ഓഹരി ഉടമയാണ് എലിവേഷൻ ക്യാപിറ്റൽ. ഇതിന് സപ്പോർട്ട് നല്കുന്നവരിൽ പേടിഎം സ്ഥാപകനും സിഇഒയുമായ വിജയ് ശേഖർ ശർമ്മ, സോഫ്റ്റ്ബാങ്ക്, ഇബേ എന്നിവരുമുണ്ട്. 2020-ൽ സമാരംഭിച്ച ഇന്നോബിറ്റ്‌സ് സൊല്യൂഷൻസ് പ്രൈവറ്റ് ലിമിറ്റഡ് (ബിറ്റ്സില) കമ്പനി ഇപ്പോൾ ഏറ്റെടുത്തിട്ടുണ്ടെന്നും ഫുൾ-സ്റ്റാക്ക് ഓമ്‌നിചാനലും ഹൈപ്പർലോക്കൽ കൊമേഴ്സ് ശേഷിയും ഉള്ള ഒരു ഒഎൻഡിസി സെല്ലർ പ്ലാറ്റ്‌ഫോമായി പ്രവർത്തിക്കുന്നുണ്ടെന്നും കമ്പനി അറിയിച്ചു. ബിറ്റ്‌സിലയുടെ ഏറ്റെടുക്കൽ അതിന്റെ കൊമേഴ്സ് പ്ലേയെ കൂടുതൽ ശക്തിപ്പെടുത്താൻ ഇത് സഹായിക്കുമെന്നും റിപ്പോർട്ടുകൾ പറയുന്നു.
ഒഎൻഡിസിയിലെ മികച്ച മൂന്ന് വിൽപ്പന പ്ലാറ്റ്‌ഫോമുകളിൽ ഒന്നാണ് ബിറ്റ്സില. ഒഎൻഡിസി-യിലെ മക്‌ഡൊണാൾഡ്, ബിഗ്ബാസ്‌ക്കറ്റ് തുടങ്ങിയ മാർക്വീ ബ്രാൻഡുകളെ ഇത് പിന്തുണയ്ക്കുന്നു.
30-ലധികം നഗരങ്ങളിലെ 10,000-ലധികം സ്റ്റോറുകളിലായി 600 ദശലക്ഷത്തിലധികം ഉൽപ്പന്ന വിഭാഗങ്ങൾ കൈകാര്യം ചെയ്യാൻ ഇത് അനുവദിക്കുമെന്നാണ് സൂചന. പലചരക്ക്, ഭക്ഷണം, പാനീയങ്ങൾ, ഫാഷൻ, സൗന്ദര്യം, വ്യക്തിഗത പരിചരണം, ഗൃഹാലങ്കാരങ്ങൾ എന്നിവയുൾപ്പെടെ വിവിധ മേഖലകൾ പ്ലാറ്റ്ഫോം നൽകുന്നുവെന്നും കമ്പനി വ്യക്തമാക്കി.
Discussion about this post