മോസ്കോ: കാൻസർ രോഗികൾക്കുള്ള വാക്സിനുകൾ ഉടൻ പുറത്തിറക്കുമെന്ന് റഷ്യൻ പ്രസിഡന്റ് വ്‌ളാഡിമിർ പുടിൻ. വാക്സിനുകൾ നിർമിക്കുന്നതിന്റെ ഏറ്റവും അവസാന ഘട്ടത്തിലേക്ക് റഷ്യ എത്തിയതായി പ്രസിഡൻ്റ് വ്ളാദിമർ പുടിൻ പറഞ്ഞു. കാൻസറിനുള്ള . വാക്സിൻ വികസിപ്പിക്കുന്നതിനുള്ള അവസാന ശ്രമങ്ങളിലാണ് തങ്ങളുടെ ശസ്ത്രജ്‌ഞരെന്നും രോഗികൾക്കായി ഉടനെ വാക്സിൻ ലഭ്യമാക്കുമെന്നും പുടിൻ അവകാശപ്പെട്ടു. ഭാവി സാങ്കേതിക വിദ്യകളെ കുറിച്ചുള്ള മോസ്കോ ഫോറത്തിൽ സംസാരിക്കുമ്പോഴാണ് പുടിൻ്റെ പ്രതികരണം.
എന്നാൽ ഏതു തരം കാന്‍സറിനുള്ള വാക്സിനാണ് കണ്ടുപിടിച്ചതെന്നോ എങ്ങനെയാണ് അവ ഫലപ്രദമാവുന്നതെന്നോ പുടിന്‍ വ്യക്തമാക്കിയിട്ടില്ല. നിരവധി രാജ്യങ്ങളും കമ്പനികളും കാൻസർ വാക്സിനുകള്‍ നിര്‍മിക്കാനുള്ള ശ്രമത്തിലാണ്. 2030-ഓടെ 10,000 രോഗികളിലേക്ക് വ്യക്തിഗത ക്യാൻസർ ചികിത്സ എത്തിക്കാൻ ലക്ഷ്യമിട്ട്, ലഭ്യമാക്കുന്ന ക്ലിനിക്കൽ പരീക്ഷണങ്ങൾ ആരംഭിക്കുന്നതിന് ജർമ്മനി ആസ്ഥാനമായുള്ള ബയോഎൻടെക്കുമായി ചേർന്ന് അർബുദ വാക്സിൻ വികസിപ്പിക്കാൻ കരാർ ഒപ്പിട്ടിരുന്നു.
ഫാർമസ്യൂട്ടിക്കൽ കമ്പനിയായ മോഡേണ ആൻഡ് മെർക് പരീക്ഷണാടിസ്‌ഥാനത്തിൽ കാൻസർ വാക്സിൽ വികസിപ്പിച്ചിരുന്നു. ലോകാരോഗ്യ സംഘടനയുടെ റിപ്പോര്‍ട്ട് പ്രകാരം സെർവിക്കൽ ക്യാൻസർ ഉൾപ്പെടെ നിരവധി അർബുദങ്ങൾക്ക് കാരണമാകുന്ന ഹ്യൂമൻ പാപ്പിലോമ വൈറസുകൾക്കെതിരെ നിലവിൽ ആറ് വാക്സിനുകളാണുള്ളത്. നേരത്തെ കൊവിഡിനെതിരായ വാക്സിനും റഷ്യ വികസിപ്പിച്ചിരുന്നു.
Discussion about this post