രാജ്കോട്ട്: ഇന്ത്യ-ഇംഗ്ലണ്ട് മൂന്നാം ടെസ്റ്റിനിടെ സ്പിന്‍ ഓള്‍റൗണ്ടർ രവീന്ദ്ര ജഡേജയെ ട്രോളി ഇന്ത്യന്‍ ക്യാപ്റ്റന്‍ രോഹിത് ശർമ്മ. ഇംഗ്ലണ്ടിന്‍റെ ഒന്നാം ഇന്നിംഗ്സില്‍ ജോ റൂട്ടിനെതിരെ ജഡേജ ഒരോവറില്‍ രണ്ട് നോബോള്‍ എറിഞ്ഞതായിരുന്നു ട്രോളാൻ ഇടയാക്കിയത്. ‘ജഡ്ഡു, ഇതൊരു ടി20 മത്സരമാണ്, ഐപിഎല്ലില്‍ ഇത്രയധികം നോബോള്‍ എറിയാനാവില്ല’ എന്നായിരുന്നു രോഹിത് ശർമ്മയുടെ വാക്കുകള്‍. ഈ ദൃശ്യം ക്യാമറക്കണ്ണുകള്‍ ഒപ്പിയെടുത്തതോടെ വീഡിയോ ഉടന്‍ വൈറലായി.
രണ്ട് വിക്കറ്റിന് 207 റൺസ് എന്ന നിലയിലാണ് ഇംഗ്ലണ്ട് രണ്ടാം ദിവസം കളി അവസാനിപ്പിച്ചത്. ബാസ്ബോള്‍ ശൈലിയില്‍ 118 പന്തില്‍ 133* റൺസുമായി ബെൻ ഡക്കെറ്റും 9* റൺസുമായി ജോ റൂട്ടും ക്രീസിലുണ്ട്. മുഹമ്മദ് സിറാജും രവിചന്ദ്രന്‍ അശ്വിനും ഓരോ വിക്കറ്റുകള്‍ വീഴ്ത്തി. എട്ട് വിക്കറ്റ് ശേഷിക്കേ ഇംഗ്ലണ്ട് 238 റൺസ് പിന്നിലാണ്. 15 റൺസെടുത്ത സാക് ക്രോളിയും 39 റൺസെടുത്ത ഒലി പോപ്പുമാണ് ഇംഗ്ലീഷ് നിരയില്‍ പുറത്തായത്. ആദ്യ ഇന്നിംഗ്സിൽ ടീം ഇന്ത്യ 445 റൺസാണ് നേടിയത്. ക്യാപ്റ്റന്‍ രോഹിത്തും സ്ഥാനക്കയറ്റം കിട്ടി അഞ്ചാമനായി ഇറങ്ങിയ ലോക്കല്‍ ബോയ് രവീന്ദ്ര ജഡേജയും ഇന്ത്യക്കായി സെഞ്ചുറികള്‍ നേടി. രോഹിത് 196 പന്തില്‍ 131 ഉം ജഡ്ഡു 225 ബോളില്‍ 112 ഉം റണ്‍സാണ് എടുത്തത്. അതേ സമയം രാജ്കോട്ട് ക്രിക്കറ്റ് ടെസ്റ്റിൽ ഇന്ത്യക്കെതിരെ ഒന്നാം ഇന്നിംഗ്സ് ലീഡ് ലക്ഷ്യമിട്ട് ഇംഗ്ലണ്ട് ഇന്ന് ബാറ്റിംഗ് പുനരാരംഭിക്കും.
Rohit Sharma represents whole of Dinda Academy when he says "Jaddu samajh ye T20 hai, idhar No balls allowed nahi" 🔥 pic.twitter.com/cQ4s3aJOGm
— Dinda Academy (@academy_dinda) February 16, 2024
Discussion about this post