അയോധ്യ : അയോധ്യയിലെ രാമക്ഷേത്രം ഇനി മുതൽ ഉച്ചയ്ക്ക് ഒരു മണിക്കൂർ അടച്ചിടും. ഒരു പ്രധാന പുരോഹിതൻ്റെ അഭ്യർത്ഥന പ്രകാരമാണ് ക്ഷേത്രം അടച്ചിടാൻ തീരുമാനം എടുത്തിരിക്കുന്നത് . രാം ലല്ല അഞ്ച് വയസ്സ് മാത്രം പ്രായമുള്ള ഒരു കുട്ടിയാണെന്നും കൂടുതൽ സ്വാധീനം ചെലുത്താൻ കഴിയില്ലെന്നുമാണ് പുരോഹിതൻ്റെ വാദം കണക്കിലെടുത്താണ് ക്ഷേത്രം ഉച്ചയ്ക്ക് ഒരുമണിക്കൂർ അടച്ചിടാൻ തീരുമാനം എടുത്തത്.
ജനുവരി 23 മുതൽ, ഏകദേശം രണ്ട് മണിക്കൂർ നീണ്ടുനിൽക്കുന്ന ചടങ്ങുകൾക്കായി പുലർച്ചെ നാലിന് ദേവനെ എഴുന്നള്ളിച്ച് തുടർന്ന് രാവിലെ 6 മുതൽ രാത്രി 10 വരെ തുടരുന്ന ‘ദർശനം’ തുടങ്ങും. അതിനുശേഷം, സായാഹ്ന ചടങ്ങുകളും രണ്ട് മണിക്കൂർ എടുക്കും. ഇതൊന്നും കൂടാതെ രാമക്ഷേത്രത്തിലെ പ്രതിഷ്ഠാ ചടങ്ങുകൾക്ക് ശേഷം, ഭക്തരുടെ തിരക്ക് കണക്കിലെടുത്ത്, ക്ഷേത്ര ട്രസ്റ്റ് ‘ദർശന’ സമയം രാവിലെ വർദ്ധിപ്പിക്കുകയും ചെയ്തു.
എന്നാൽ ശ്രീ റാം ലല്ല ഒരു അഞ്ച് വയസ്സുള്ള കുട്ടിയാണ്, തുടർച്ചയായ 18 മണിക്കൂർ ആ ആചാരം സഹിക്കാൻ കഴിയില്ല. റാം ലല്ലയ്ക്ക് അൽപ്പം വിശ്രമിക്കാൻ വേണം എന്നായിരുന്ന ആ പുരോഹിതൻ പറഞ്ഞത്. ഈ അഭിപ്രായം കണക്കിലെടുത്ത് ഇനി മുതൽ ഉച്ചയ്ക്ക് 12:30 മുതൽ 1:30 വരെ ക്ഷേത്രത്തിൻ്റെ വാതിലുകൾ അടച്ചിടാനാണ് തീരുമാനം. പ്രതിഷ്ഠാ ചടങ്ങിന് മുമ്പ്, ദർശന സമയം രാവിലെ 7 മുതൽ വൈകുന്നേരം 6 വരെ ആയിരുന്നു, ഉച്ചകഴിഞ്ഞ് 1:30 മുതൽ 3:30 വരെ രണ്ട് മണിക്കൂർ ഇടവേള.
