ചെന്നൈ: തമിഴ്‌നാട്ടിൽ പഞ്ഞിമിഠായിയുടെ വിൽപ്പന നി രോധിച്ചു. കാൻസറിന് കാരണമാകുന്നുവെന്ന കണ്ടെത്തലിനെ തുടർന്നാണ് പഞ്ഞി മിഠായി നിരോധിച്ച് സർക്കാർ ഉത്തരവിറക്കിയത്.
മിഠായിയിൽ ലെതറിനും തുണികൾക്കും നിറം പകരാൻ ഉപയോഗിക്കുന്ന റോഡാമൈൻ-ബി എന്ന രാസവസ്തു ഉപയോഗിക്കുന്നതായി കണ്ടെത്തിയിരുന്നു. ഇതേത്തുടർന്നാണ് നിരോധനം ഏർപ്പെടുത്തിയതെന്ന് ആരോഗ്യമന്ത്രി എ. സുബ്രഹ്മണ്യൻ പറഞ്ഞു. ബീച്ചിലും പാർക്കിലുമടക്കം വ്യാപകമായി വില്ക്കുന്ന ഇതിൻ്റെ ഉപയോക്തക്കൾ കുട്ടികളും യുവജനങ്ങളുമാണ്. ഭക്ഷ്യസുരക്ഷ ഉദ്യോഗസ്ഥർ മിഠായിയുടെ സാമ്പിൾ പരിശോധനയ്ക്ക് വിധേയമാക്കിയിപ്പോഴാണ് കൂടിയ അളവിൽ രാസവസ്തു ഉപയോഗിക്കുന്നതായി കണ്ടെത്തിയത്.
നിയമലംഘനം നടത്തുന്നവർക്കെതിരെ കർശന നടപടി സ്വീകരിക്കാൻ ഭക്ഷ്യസുരക്ഷാ കമ്മീഷണർക്കും വകുപ്പിലെ എൻഫോഴ്സ്മെൻ്റ് ഉദ്യോഗസ്ഥർക്കും നിർദ്ദേശം നൽ കിയിട്ടുണ്ടെന്നും ആരോഗ്യമന്ത്രി പറഞ്ഞു
