മുംബൈ: യുഎസ്-ഇന്ത്യ ആദ്യ സംയുക്ത സൈബർ സുരക്ഷാ സംരംഭം ആരംഭിച്ചു. യുഎസ് കോൺസുലേറ്റ് മുംബൈ, മഹ്രത്ത ചേംബർ ഓഫ് കൊമേഴ്‌സ്, ഇൻഡസ്ട്രീസ് ആൻഡ് അഗ്രികൾച്ചറിന്റെയും പങ്കാളിത്തത്തോടെയാണ് സംരംഭം. യുണൈറ്റഡ് സ്റ്റേറ്റ്സും ഇന്ത്യയും തമ്മിലുള്ള ഐടി ബന്ധം ശക്തിപ്പെടുത്തുക എന്നതാണ് ഇതിന്നീറെ ലക്ഷ്യം.
എംസിസിഐഎ പൂനെ ഇൻ്റർനാഷണൽ ബിസിനസ് ഉച്ചകോടിയിൽ യുഎസ് കോൺസൽ ജനറൽ മൈക്ക് ഹാൻകിയാണ് ഈ സംരംഭം പ്രഖ്യാപിച്ചത്. തൊഴിലവസരങ്ങൾ സൃഷ്ടിക്കുന്നതിനും അത്യാധുനിക പരിഹാരങ്ങൾ വികസിപ്പിക്കുന്നതിനും ആഗോളതലത്തിൽ മികച്ച സൈബർ സുരക്ഷാ വിദഗ്ധരെ ഒരുമിച്ച് കൊണ്ടുവരാൻ ഈ സംരംഭത്തിന് സാധിക്കുമെന്ന് ഹാൻകി പറഞ്ഞു. സൈബർസ്‌പേസിൽ ഒരു മെൻ്റർഷിപ്പ് മോഡൽ സ്ഥാപിക്കുക, ആളുകൾ പരസ്പരമുള്ള ബന്ധം വളർത്തുക, ഡിജിറ്റൽ രംഗത്തെ വർദ്ധിച്ചുവരുന്ന വെല്ലുവിളികളെ കൈകാര്യം ചെയ്യുക തുടങ്ങിയവയാണ് സംരംഭത്തിൻ്റെ ലക്ഷ്യമെന്നും ഹാൻകി എടുത്തു പറഞ്ഞു. മെച്ചപ്പെട്ട സൈബർ സുരക്ഷാ നടപടികൾ ആവശ്യമായി വരുന്ന ഡിജിറ്റൽ സാങ്കേതികവിദ്യകളിലെ ദ്രുതഗതിയിലുള്ള പുരോഗതിക്ക് ഇത് അടിവരയിടുന്നതായും അദ്ദേഹം വ്യക്തമാക്കി.
പൊതുമേഖലയിലും സ്വകാര്യമേഖലയിലും വികസനം നയിക്കുന്നതിൽ സുരക്ഷിതവും സുസ്ഥിരവുമായ സൈബർസ്‌പെയ്‌സിൻ്റെ നിർണായക പങ്ക് ഊന്നിപ്പറഞ്ഞുകൊണ്ട്, യുഎസ്-ഇന്ത്യ ഉഭയകക്ഷി ബന്ധത്തിൽ സൈബർ സുരക്ഷയാണ് മുൻഗണനയെന്ന് ഹാൻകി ആവർത്തിച്ചു. ഡിജിറ്റൽ വിപ്ലവം ആഗോള സമൃദ്ധിയും സ്ഥിരതയും പ്രോത്സാഹിപ്പിക്കുന്നുവെന്ന് ഉറപ്പാക്കാൻ സൈബർ സുരക്ഷാ ഭീഷണികൾ കുറയ്ക്കേണ്ടതിൻ്റെ ആവശ്യകത അദ്ദേഹം ചൂണ്ടിക്കാട്ടി.
Discussion about this post