ന്യൂഡല്‍ഹി: ലോക്‌സഭ തെരഞ്ഞെടുപ്പിനുള്ള എന്‍ഡിഎ സ്ഥാനാര്‍ത്ഥി പട്ടികയില്‍ ഇന്ന് അന്തിമ തീരുമാനം. വൈകീട്ട് ഡല്‍ഹിയിലെ ബിജെപി ആസ്ഥാനത്ത് ചേരുന്ന കേന്ദ്ര തെരഞ്ഞെടുപ്പ് സമിതി യോഗത്തിലാണ് സ്ഥാനാര്‍ത്ഥികളുടെ കാര്യത്തില്‍ തീരുമാനമെടുക്കുക. സ്ഥാനാര്‍ത്ഥി ചര്‍ച്ചകള്‍ക്കായി ബിജെപി സംസ്ഥാന പ്രസിഡന്റ് കെ സുരേന്ദ്രനും ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളിയും ഇന്ന് ഡല്‍ഹിയിലെത്തും.
പ്രമുഖ നേതാക്കളും ജയസാധ്യതയുള്ള നൂറിലേറെ സീറ്റുകളിലേയും സ്ഥാനാര്‍ത്ഥികളെയാകും ആദ്യഘട്ടത്തില്‍ പ്രഖ്യാപിക്കുക. പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്‌നാഥ് സിങ് തുടങ്ങിയവര്‍ ആദ്യഘട്ട സ്ഥാനാര്‍ത്ഥി പട്ടികയില്‍ ഉണ്ടാകുമെന്നാണ് റിപ്പോര്‍ട്ട്.സ്ഥാനാര്‍ത്ഥികളെ ഇന്നോ നാളെയോ പ്രഖ്യാപിക്കും.
കേരളത്തിലെ ആറ് എ പ്ലസ് മണ്ഡലം അടക്കം എട്ടു സീറ്റുകളിലെ സ്ഥാനാര്‍ത്ഥികളെ ഇതിന് ഒപ്പം പ്രഖ്യാപിക്കുമെന്നണ് റിപ്പോർട്ട്.
Discussion about this post