തിരുവനന്തപുരം: സിദ്ധാർഥിന്റെത് കൊലപാതകമാണെന്ന് ആവർത്തിച്ച് അച്ഛൻ. സഹപാഠികളും സീനിയർ വിദ്യാർഥികളും ചേർന്ന് കൊന്നു കെട്ടിതൂക്കിയതാണെന്ന് അച്ഛൻ ജയപ്രകാശ് മാധ്യമങ്ങളോട് പറഞ്ഞു.സിദ്ധാർഥിന്റെ മരണത്തിൽ കോളജ് അധികൃതർക്കും പങ്കുണ്ടെന്നും അദ്ദേഹം ആരോപിച്ചു.
സിദ്ധാർഥ് കോളജിലെ എല്ലാകാര്യങ്ങളിലും ഇടപെടുന്നത് ചില സഹപാഠികൾക്കും സീനിയർ വിദ്യാർഥികൾക്കും ഇഷ്ടമായിരുന്നില്ല.സിൻജോ എന്ന സീനിയർ വിദ്യാർഥിയാണ് ക്രൂരമായി പീഡിപ്പിച്ചത്. എല്ലാ പ്രതികളെയും പിടികൂടിയില്ലെങ്കിൽ ഭരിക്കുന്നവരുടെ വീടിന് മുന്നിൽ നിരാഹാരം ഇരിക്കുമെന്നും പിതാവ് പറഞ്ഞു. പോസ്റ്റ്മോർട്ടം ചെയ്തവരിലുണ്ടായിരുന്ന ഡോക്ടർമാർ പറഞ്ഞത്. ഇത്രയുമധികം പരിക്കുള്ള ഒരാൾക്ക് ജീവനൊടുക്കാനുള്ള ആരോഗ്യം കിട്ടില്ല എന്നുമാണെന്നും അദ്ദേഹം കൂട്ടിച്ചേർത്തു.
സിൻജോയും അക്ഷയും റഹാനും റൂമിൽ കയറി തീർത്തിട്ട് പോയതാണ് അങ്കിളേ എന്ന് അവന്റെ ഫ്രണ്ട്സ് എന്നോട് പറഞ്ഞിരുന്നു. എസ്.എഫ്.ഐയിൽ ചേരാത്തത് മാത്രമല്ല, ഫസ്റ്റ് ഇയർ അവസാന വർഷമായപ്പോൾ തന്നെ അവൻ കോളജിൽ സ്റ്റാറായി മാറിയിരുന്നു. അത് അവിടെയുള്ള പലർക്കും ഇഷ്ടമായിരുന്നില്ല. സിദ്ധാർഥിന് ആത്മഹത്യ ചെയ്യാനാകില്ലെന്ന് അമ്മ ഷീബയും പറയുന്നു. മരണത്തിൽ ഉന്നതർക്കും പങ്കുണ്ടെന്നും നീതിക്കായി ഏതറ്റം വരെയും പോകുമെന്ന് സിദ്ധാർത്ഥിന്റെ അമ്മ പറഞ്ഞു.
Discussion about this post