മലപ്പുറം: മലപ്പുറത്ത് ഫുട്ബോൾ ടൂർണമെന്റിനിടെ ഐവറികോസ്റ്റ് താരം ഹസൻ ജൂനിയറിന് കാണികളുടെ മർദ്ദനമേറ്റ സംഭവത്തിൽ മലപ്പുറം ജില്ലാ പൊലീസ് മേധാവിക്ക് പരാതി നൽകി. കാണികൾ ബ്ലാക്ക് മങ്കി എന്ന് വിളിച്ച് പ്രകോപിപ്പിക്കാൻ ശ്രമിച്ചെന്നും വംശീയാധിക്ഷേപം നടത്തിയെന്നും ചിലർ കല്ലെടുത്ത് എറിഞ്ഞെന്നും പരാതിലുണ്ട്. ഇത് ചോദിക്കാൻ ചെന്നപ്പോഴാണ് സംഘം ചേർന്ന് ആക്രമിച്ചതെന്നാണ് പരാതി.
കേരളത്തിൽ കളിക്കാൻ ഭയമുണ്ടെന്നും സംഭവത്തിൽ ഐവറി കോസ്റ്റ് എംബസിക്കും പരാതി നൽകുമെന്നും ഹസ്സൻ ജൂനിയർ പറഞ്ഞു. സംഘർഷത്തിന്റെ വീഡിയോ ഉൾപ്പെടെ ഹാജരാക്കിയാണ് ഹസ്സൻ ജൂനിയർ മലപ്പുറം ജില്ലാ പോലീസ് മേധാവിക്ക് പരാതി നൽകിയത്.
മലപ്പുറം അരീക്കോട് ചെമ്രകാട്ടൂരില്‍ കഴിഞ്ഞ ഞായറാഴ്ച നടന്ന ഫുട്ബോള്‍ മത്സരത്തിനിടയിലായിരുന്നു സംഭവം. കാണികളോട് മോശമായി പെരുമാറിയെന്നാരോപിച്ച് കാണികള്‍ താരത്തെ അക്രമിക്കുകയായിരുന്നു.
Discussion about this post