ന്യൂഡൽഹി: രാജ്യത്ത് പെട്രോൾ-ഡീസൽ വില കുറച്ചു. ലിറ്ററിന് രണ്ട് രൂപ വീതമാണ് കുറച്ചിരിക്കുന്നത്. പുതുക്കിയ വിലകൾ ഇന്ന് രാവിലെ ആറ് മുതൽ നിലവിൽ വരും
നേരത്തെ ഗാർഹിക പാചക വാതക സിലിണ്ടറിന് 100 രൂപ കുറച്ചിരുന്നു. ലോക വനിതാ ദിനത്തിലായിരുന്നു ഈ പ്രഖ്യാപനം. നേരത്തെ രാജസ്ഥാൻ സർക്കാർ പെട്രോളിൻറെയും ഡീസലിൻറെയും വാറ്റ് കുറച്ചിരുന്നു.
ഇന്ധനവില കുറയ്ക്കുക വഴി പ്രധാനമന്ത്രി മോദി രാജ്യത്തെ രണ്ടരക്കോടി ജനങ്ങളുടെ ക്ഷേമമാണ് ലക്ഷ്യം വയ്ക്കുന്നതെന്ന് ഒരിക്കൽ കൂടി തെളിഞ്ഞിരിക്കുന്നു എന്ന് കേന്ദ്ര പെട്രോളിയം മന്ത്രി ഹർദീപ് സിങ് പുരി എക്സിൽ കുറിച്ചു.
