പൗരത്വ ഭേദഗതി നിയമം ചോദ്യം ചെയ്തുള്ള കേസുകൾ സുപ്രീംകോടതി ഇന്ന് പരിഗണിക്കും. പുതിയ വിഞ്ജാപനം സ്റ്റേ ചെയ്യണമെന്ന് ആവശ്യപ്പെട്ടുള്ള 236 ഹർജികളാണ് ചീഫ് ജസ്റ്റീസ് അധ്യക്ഷനായ ബെഞ്ച് പരിഗണിക്കുക.
മുസ്ലീം ലീഗ്, സിപിഎം സിപിഐ, ഡിവൈഎഫ്ഐ, മുൻപ്രതിപക്ഷനേതാവ് രമേശ് ചെന്നിത്തല, വിവിധ മുസ്ലീം സംഘടനകൾ എന്നിവരടക്കം നൽകിയ ഹർജികൾ ഇതിൽ ഉൾപ്പെടും. പൗരത്വനിമയം നടപ്പാക്കില്ലെന്ന് നേരത്തെ കേന്ദ്രസർക്കാർ ഉറപ്പ് നൽകിയിട്ട് തിരഞ്ഞെടുപ്പ് അടുത്തിരിക്കുമ്പോൾ ചട്ടം വിഞ്ജാപനം ചെയ്തതാണ് ഹർജിക്കാർ വാദിക്കുന്നത്.
കേരളം, തമിഴ്നാട്, ബംഗാൾ എന്നീ സംസ്ഥാനങ്ങൾ പൗരത്വ ഭേദഗതി നിയമത്തിനെതിരെ സർക്കാർ തലത്തിൽ തന്നെ രംഗത്തെത്തിയിരുന്നു. ആസാം പോലെയുള്ള സംസ്ഥാനനങ്ങളിലും പൗരത്വ ഭേദഗതിയ്ക്കെതിരെ ജനരോഷം ഉയർന്നിട്ടുണ്ട്. ഈ സാഹചര്യത്തിൽ സുപ്രീം കോടതിയുടെ നിരീക്ഷണം നിർണായകമാകും.
