കോഴിക്കോട്: നിറമോ ജാതിയോ നോക്കി കലാകാരന്റെ കല അളക്കുന്നതു ശരിയല്ലെന്ന് പി.സി.ജോർജ്. ജാതിയോ നിറമോ നോക്കി കല അളക്കരുതെന്നും അദ്ദേഹം പറഞ്ഞു. കലാമണ്ഡലം സത്യഭാമയുടെ വിവാദ പരാമർശത്തിൽ പ്രതികരിക്കുകയായിരുന്നു അദ്ദേഹം. കൂടാതെ സ്ത്രീയാണോ പുരുഷനാണോ എന്നു നോക്കണ്ട ആവശ്യമില്ലെന്നും അദ്ദേഹം കൂട്ടിച്ചേർത്തു. കലാമണ്ഡലം സത്യഭാമയുടെ വിവാദ പരാമർശത്തിൽ പ്രതികരിക്കുകയായിരുന്നു അദ്ദേഹം.
ഈ വിഷയത്തിൽ അഭിപ്രായം പറയാൻ തനിക്ക് നൃത്തമറിയില്ല, സാഹിത്യകാരനുമല്ലെന്നും അദ്ദേഹം പറഞ്ഞു. വിധികർത്താക്കൾക്ക് തന്റെ മുന്നിൽ വെളുത്ത കുട്ടിയും കറുത്ത കുട്ടിയും മത്സരിക്കാൻ വരുമ്പോൾ വെളുത്തകുട്ടിയോട് ആഭിമുഖ്യം തോന്നിയേക്കാം. ഇതു മറികടക്കാൻ നന്നായി മേക്കപ്പ് ഇട്ടാൽ മതിയെന്നും പി.സി.ജോർജ് പരിഹസിച്ചു.
കറുത്ത നിറമുള്ളവർ മോഹിനിയാട്ടം കളിക്കുന്നതിനെതിരെ സത്യഭാമ നടത്തിയ വിവാദ പരാമർശങ്ങൾക്കെതിരെ രൂക്ഷ വിമർശനമുയർന്നിരുന്നു. യുട്യൂബ് ചാനലിനു നൽകിയ അഭിമുഖത്തിലെ സൂചനകൾ നർത്തകൻ ആർഎൽവി രാമകൃഷ്ണനെതിരെയാണെന്നും ജാതി അധിക്ഷേപമാണു നടത്തിയതെന്നും ആരോപണമുയർന്നിരുന്നു.
Discussion about this post