ഉണ്ണി മുകുന്ദൻ നായകനായി വരാനിരിക്കുന്ന ചിത്രമാണ് ജയ് ഗണേഷ്. സംവിധാനം രഞ്ജിത് ശങ്കറാണ്. ഉണ്ണി മുകുന്ദന്റെ ജയ് ഗണേഷ് ചിത്രത്തിന്റെ പുതിയ ഒരു അപ്‍ഡേറ്റ് പുറത്തുവിട്ടിരിക്കുകയാണ്. മഹിമാ നമ്പ്യാരും പ്രധാന കഥാപാത്രമാകുന്ന ചിത്രത്തിന്റെ പുതിയ ഗാനം നാളെ ആറ് മണിക്ക് പുറത്തുവിടും എന്നതാണ് അപ്‍ഡേറ്റ്.
ഏപ്രിൽ 11നാണ് ജയ് ഗണേഷ് സിനിമ റിലീസ് ചെയ്യുന്നത്. ഉണ്ണി മുകുന്ദന്റെ ജയ് ഗണേഷിന്റെ സംഗീതം ശങ്കർ ശർമ നിർവഹിക്കുമ്പോൾ ബി കെ ഹരിനാരായണനും മനു മഞ്‍ജിത്തും വാണി മോഹനും വരികൾ എഴുതിയിരിക്കുന്നു. ഛായാഗ്രാഹണം ചന്ദ്രു ശെൽവരാജ് നിർവഹിക്കുന്നു. ജോമോളും ഒരു പ്രധാന കഥാപാത്രമാകുന്ന ചിത്രമായ ജയ് ഗണേഷ് ഉണ്ണി മുകുന്ദനും രഞ്ജിത് ശങ്കറും ചേർന്ന് ഉണ്ണി മുകുന്ദൻ ഫിലിംസ്, ഡ്രീംസ് എൻ ബിയോണ്ട് എന്നീ ബാനറുകളിൽ നിർമിക്കുന്നു.
ഗന്ധർവ്വ ജൂനിയർ എന്ന ഒരു ചിത്രവും ഉണ്ണി മുകുന്ദൻ നായകനാകുന്നതിൽ പ്രേക്ഷകർ പ്രതീക്ഷയോടെ കാത്തിരിക്കുന്ന ഒന്നാണ്. ചിത്രം ഒരുങ്ങുക ഏകദേശം 40 കോടി ബജറ്റില് ആയിരിക്കും എന്നാണ് നേരത്തെ പുറത്തുവിട്ട റിപ്പോർട്ടുകൾ സൂചിപ്പിച്ചത്. ചിത്രത്തിൽ ഗന്ധർവ്വനായി ഉണ്ണി മുകുന്ദൻ എത്തും. സംവിധാനം വിഷ്‍ണു അരവിന്ദ് നിർവഹിക്കുമ്പോൾ തിരക്കഥ എഴുതുന്നത് പ്രവീൺ പ്രഭാറാം, സുജിൻ സുജാതൻ എന്നിവർ ചേർന്നാണ്.
ഒരു ഫാന്റസി കോമഡി ഴോണർ ചിത്രമായിരിക്കും ഗന്ധർവ ജൂനിയർ എന്നാണ് പ്രതീക്ഷിക്കപ്പെടുന്നത്. ‘വേൾഡ് ഓഫ് ഗന്ധർവ്വാസ്’ എന്ന വീഡിയോ ഉണ്ണി മുകുന്ദൻ നായകനാകുന്ന ഗന്ധർവ്വ ജൂനിയറിന്റെ പ്രമോഷന്റെ ഭാഗമായി പുറത്തുവിട്ടിരുന്നു. പതിവ് ഗന്ധർവ്വ സങ്കൽപങ്ങളെ പൊളിച്ചെഴുതുന്നതായിരിക്കും ചിത്രമെന്നാണ് സാമൂഹ്യ മാധ്യമങ്ങളിലും ചർച്ചയായ വേൾഡ് ഓഫ് ഗന്ധർവ്വാസ്’ വീഡിയോയിൽ നിന്ന് മനസിലാകുന്നത്. സംഗീതം ജേക്ക‍്‍സ് ബിജോയ് നിർവഹിക്കുന്ന ചിത്രത്തിന്റെ പുതിയ അപ്‍ഡേഷനുകൾക്കായി കാത്തിരിക്കുകയാണ് ആരാധകർ.
Discussion about this post