ന്യൂഡല്ഹി: മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ വേതനം പുതുക്കി. കേരളത്തിലെ തൊഴിലാളികളുടെ നിരക്ക് നിലവിലുള്ള 333 രൂപയില് നിന്ന് 346 രൂപയായി. വേതനം പുതുക്കിയുള്ള വിജ്ഞാപനം പ്രസിദ്ധീകരിക്കാൻ കേന്ദ്ര ഗ്രാമവികസന മന്ത്രാലയത്തിനു തിരഞ്ഞെടുപ്പു കമ്മിഷൻ അനുമതി നൽകിയതിന് പിന്നാലെയാണ് തീരുമാനം. പുതിയ നിരക്കുകള് എപ്രില് 1 മുതല് പ്രാബല്യത്തില് വരും.
16നു മാതൃകാ പെരുമാറ്റച്ചട്ടം നിലവിൽ വന്ന സാഹചര്യത്തിലാണു മന്ത്രാലയം കമ്മിഷനെ സമീപിച്ചത്. പുതുക്കിയ നിരക്കനുസരിച്ച് ഹരിയാനയിലാണ് ഏറ്റവും ഉയർന്ന വേതനം. ഹരിയാനയിലാണ് 374 രൂപയാണ് വേതനം. കേരളത്തിൽ നേരത്തെ 333 രൂപയായിരുന്നത് ഇപ്പോള് 13 രൂപ വര്ദ്ധിപ്പിച്ച് 346 രൂപയാക്കുകയായിരുന്നു. കഴിഞ്ഞവര്ഷം 22 രൂപ വര്ദ്ധിപ്പിച്ചിരുന്നു.
