തിരുവനന്തപുരം: തിരുവനന്തപുരത്തുനിന്നും കോട്ടയത്തുനിന്നും കാണാതായ അദ്ധ്യാപികയും സുഹൃത്തുക്കളായ ദമ്പതികളും മന്ത്രവാദവുമായി ബന്ധപ്പെട്ടിട്ടുണ്ടാകാമെന്ന് പോലീസ്. പുനഃർജന്മത്തിൽ വിശ്വസിച്ചാവാം ഇവർ ആത്മഹത്യയിലേയ്ക്ക എത്തിച്ചേർന്നതായും പോലീസ് പറയുന്നു. പ്രാധമിക തെളിവുകൾ നൽകുന്ന സൂചന ഞെട്ടിയ്ക്കുന്നതാണ്. വിശദമായ പരിശോധനകൾക്ക് ശേഷം കൂടുതൽ വിവരങ്ങൾ നൽകാനാകുമെന്നും പോലീസ് പറയുന്നു.
അരുണാചല് പ്രദേശിലെ ഹോട്ടല് മുറിയിലാണ് മൂന്നുപേരെയും മരിച്ച നിലയിൽ കണ്ടെത്തുന്നത്. കോട്ടയം സ്വദേശികളായ നവീൻ, ഭാര്യ ദേവി, ദേവിയുടെ സുഹൃത്ത് ആര്യ എന്നിവരുടെ ഫോണുകളും പരിശോധിച്ചുവരികയാണ്. മരിക്കാന് അരുണാചൽ എന്ത് കൊണ്ട് തെരെഞ്ഞെടുത്തുവെന്നും പൊലീസ് അന്വേഷിക്കും. ദമ്പതിമാരുടെയും സുഹൃത്തിന്റെയും മരണകാരണം ബ്ലാക്ക് മാജിക്ക് ആണോയെന്ന് ഇപ്പോൾ ഉറപ്പിച്ച് പറയാനായിട്ടില്ലെന്നാണ് തിരുവനന്തപുരം സിറ്റി പൊലീസ് കമ്മീഷണർ പറയുന്നു.
എന്നാൽ മരണാനന്തര ജീവിതത്തെ കുറിച്ച് മൂന്ന് പേരും ഇൻ്റെര്നെറ്റിൽ തിരഞ്ഞതിന്റെ വിശദാംശങ്ങളും പൊലീസ് ശേഖരിച്ചിട്ടുണ്ട്. മൂന്ന് പേരും ബ്ലാക്ക് മാജിക് വലയിൽ വീണുപോയതായി സംശയിക്കുന്നെന്നാണ് ബന്ധുക്കൾ പറയുന്നത്. നഗരത്തിലെ ഒരു പ്രമുഖ സ്വകാര്യ സ്കൂളിൽ അധ്യാപികയായ ആര്യയെ കാണാനില്ലെന്ന പരാതി ഇക്കഴിഞ്ഞ 27 നാണ് വട്ടിയൂര്കാവ് പൊലീസിന് കിട്ടുന്നത്. തുടര്ന്ന് നടത്തിയ അന്വേഷണത്തിലാണ് ഞെട്ടിക്കുന്ന സംഭവങ്ങളുടെ ചുരുളഴിഞ്ഞത്.
പൊലീസ് അന്വേഷണത്തിൽ ആര്യ സുഹൃത്തായ ദേവിയും ഭര്ത്താവ് നവീനും ഒപ്പമുണ്ടെന്ന് മനസിലായിരുന്നു. വിമാന മാര്ഗം മൂവരും ഗുവാഹത്തിയിലേക്ക് പോയതായും കണ്ടെത്താൻ സാധിച്ചു. നവീനും ദേവിയും വിനോദയാത്ര പോകുന്നുവെന്ന് പറഞ്ഞാണ് വീട്ടിൽ നിന്ന് പോയത്. അതിനാൽ ബന്ധുക്കൾ അന്വേഷിച്ചിരുന്നില്ല. തിരച്ചിലിൽ ഹോട്ടൽ മുറിയിൽ നിന്ന് ആത്മഹത്യാക്കുറിപ്പും കണ്ടെത്തിയിട്ടുണ്ട്.
