കണ്ണൂര്: പാനൂര് മുളിയാത്തോട്ടിലെ ബോംബ് സ്ഫോടനത്തില് രണ്ട് സിപിഎം പ്രവര്ത്തകര്ക്ക് പരിക്കേറ്റു. മുളിയാത്തോട് സ്വദേശി വിനീഷ്, പുത്തൂര് സ്വദേശി ഷെറിന് എന്നിവര്ക്കാണ് പരിക്കേറ്റത്. ഇരുവരും സി പി എം പ്രവർത്തകരാണ്. ഇവരെ കണ്ണൂര് ചാലയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
ഇന്ന് പുലര്ച്ചെ ഒരുമണിയോടെയായിരുന്നു സംഭവം. വീടിന്റെ ടെറസിൽ വച്ച് ബോംബ് നിർമിക്കുന്നതിനിടെയാണ് സ്ഫോടനമുണ്ടായത്. ഒരാളുടെ മുഖത്തും, മറ്റേയാളുടെ കൈപ്പത്തി പൂർണമായുമാണ് തകർന്നിരിക്കുന്നത്. മുളിയാന്തോട് ആളൊഴിഞ്ഞ വീടിന്റെ ടെറസിന് മുകളില് വെച്ചാണ് സ്ഫോടനം നടന്നത്. പൊലീസും ബോംബ് സ്ക്വാഡും സ്ഥലത്തെത്തി പരിശോധന നടത്തി.
