മലപ്പുറം: ഇടതുപക്ഷത്തോട് ആശയപരമായ വ്യത്യാസമുണ്ടെങ്കിലും അവര്‍ കുടുംബാംഗങ്ങളെ പോലെയാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി. ഇടതുപക്ഷത്തോട് തനിക്ക് എന്നും ബഹുമാനമാണെന്നും ബഹുമാനത്തോടെ സംസാരിക്കുറുള്ളൂവെന്നും അദ്ദേഹം പറഞ്ഞു. മലപ്പുറം മമ്പാട് നടന്ന റോഡ് ഷോയിൽ സംസാരിക്കുകയായിരുന്നു രാഹുല്‍.
കേരളത്തിൽ എതിരായാണ് മത്സരിക്കുന്നതെങ്കിലും കോൺഗ്രസും ഇടതും ഒരു മുന്നണിയുടെ ഭാഗമാണെന്നത് ശ്രദ്ധേയമാണ്. റോഡ് ഷോയിലെ പ്രസംഗത്തിൽ പ്രധാനമന്ത്രി നരേന്ദ്രമോദിക്കെതിരെ രാഹുല്‍ രൂക്ഷവിമര്‍ശനം ഉന്നയിച്ചു. പ്രധാനമന്ത്രിയും ആര്‍എസ്എസും ചേര്‍ന്ന് ഭരണഘടനയെ ആക്രമിക്കാനും തകര്‍ക്കാനും ശ്രമിച്ചുകൊണ്ടിരിക്കുകയാണ്. ഇന്ത്യ എന്താണെന്ന് പോലും നരേന്ദ്രമോദിക്ക് ധാരണയില്ലെന്നും രാഹുല്‍ വിമര്‍ശിച്ചു.വയനാട് ലോക്‌സഭാ മണ്ഡലത്തിലെ സ്ഥാനാര്‍ത്ഥിയായ രാഹുല്‍ ഗാന്ധി പ്രചാരണത്തിന്റെ ഭാഗമായാണ് മലപ്പുറം മമ്പാട് റോഡ് ഷോ നടത്തിയത്.
Discussion about this post