ന്യൂഡല്‍ഹി:ജനസംഖ്യയില്‍ ചൈനയെ മറി കടന്ന് ഇന്ത്യ. ഇന്ത്യന്‍ ജനസംഖ്യ 144 കോടിയില്‍ എത്തിയതായി യുഎന്‍ പോപ്പുലേഷന്‍ ഫണ്ട് റിപ്പോര്‍ട്ട്. ഇതില്‍ ഇരുപത്തിനാലു ശതമാനവും 14 വയസ്സില്‍ താഴെയുള്ളവരാണെന്ന് യുഎന്‍എഫ്പിഎ പറയുന്നു. റിപ്പോര്‍ട്ട് അനുസരിച്ച് ലോകത്ത് ഏറ്റവും ജനസംഖ്യയുള്ള രാജ്യം ഇന്ത്യയാണ്. ചൈനയില്‍ 142.5 കോടി ജനങ്ങളാണുള്ളത്.
77 വര്‍ഷം കൊണ്ട് ഇന്ത്യന്‍ ജനസംഖ്യ ഇരട്ടിയാവുമെന്ന് റിപ്പോര്‍ട്ടിൽ പറയുന്നത്. ഇന്ത്യയില്‍ 2011ല്‍ നടത്തിയ സെന്‍സസ് പ്രകാരം 121 കോടിയായിരുന്നു ജനസംഖ്യ. ഇന്ത്യന്‍ ജനസംഖ്യയില്‍ 17 ശതമാനം പത്തു മുതല്‍ 19 വയസ്സു വരെ പ്രായമുള്ളവരാണെന്നാണ് യുഎന്‍ റിപ്പോര്‍ട്ട്. പത്തു മുതല്‍ ഇരുപതി നാല് വരെ വയസ്സു പ്രായമുള്ളവര്‍ 26 ശതമാനം വരുമെന്നാണ് പറയുന്നത്. 15 മുതല്‍ 64 വരെ പ്രായമുള്ളവര്‍ 68 ശതമാനവും. 65 വയസ്സിനു മുകളില്‍ പ്രായമുള്ളവര്‍ 7ശതമാനവുമാണ്.
Discussion about this post