മുംബൈ: ലോകത്തിലെ ഏറ്റവും ഉയരം കുറഞ്ഞ വനിതയായ ജ്യോതി കിഷന്‍ജി ആംഗേ ലോക്സഭാ തെരഞ്ഞെടുപ്പില്‍ വോട്ടുരേഖപ്പെടുത്തി. രാജ്യത്തോടുള്ള കടമ താന്‍ പൂര്‍ത്തിയാക്കിയെന്ന് സമ്മതിദാനവകാശം വിനിയോഗിച്ച ശേഷം ജ്യോതി മാധ്യമങ്ങളോട് പറഞ്ഞു. വീടിന് സമീപത്തെ സ്‌കൂളിലായിരുന്നു ജ്യോതി വോട്ടവകാശം വിനിയോഗിച്ചത്.
കുടുംബസമേതമാണ് കിഷന്‍ജി ബൂത്തിലെത്തിയത്. താന്‍ എപ്പോഴും തന്റെ വോട്ടവകാശം വിനിയോഗിക്കുന്നു. അത് രാജ്യത്തോടുള്ള തന്റെ കടമയാണെന്നും ജ്യോതി പറഞ്ഞു. ഇത് തന്റെ രണ്ടാമത്തെ ലോക്സഭാ തെരഞ്ഞെടുപ്പാണെന്നും അവര്‍ കൂട്ടിച്ചേർത്തു. വോട്ട് ചെയ്ത ശേഷം മഷി പുരട്ടി വിരല്‍ ഉയര്‍ത്തിപ്പിടിച്ച ശേഷം എല്ലാവരും വോട്ടവകാശം വിനിയോഗിക്കണമെന്നും ജ്യോതി പറഞ്ഞു.
രണ്ട് അടിയാണ് ജ്യോതിയുടെ പൊക്കം, അതായത് 61.95 സെന്റീമീറ്റര്‍ മാത്രം നീളം മാത്രമുള്ള ജ്യോതി ലോകത്തില്‍ ജീവിച്ചിരിക്കുന്ന ഏറ്റവും ചെറിയ സ്ത്രീയായി അറിയപ്പെടാന്‍ തുടങ്ങിയത് 2009 മുതലാണ്. ജനിച്ചതിന് ശേഷം നാല് കിലോ മാത്രമാണ് ജ്യോതിയുടെ ഭാരം വര്‍ധിച്ചത്.
Discussion about this post