കോഴിക്കോട്: വെള്ളയിലെ ഗാന്ധി റോഡിൽ തീപിടിത്തം. രാവിലെ പത്തരയോടെയാണ് കാർ വർക്ക് ഷോപ്പിൽ തീപിടിത്തമുണ്ടായത്. ഗാന്ധി റോട്ടിലെ കാർ വർക്ക് ഷോപ്പിലാണ് തീപിടിത്തമുണ്ടായത്. സമീപത്തെ തെങ്ങുകളിലേക്കും തീ പടർന്നിരുന്നു. ഫയർഫോഴ്സ് എത്താൻ വൈകിയെന്ന് നാട്ടുകാർ ആരോപിച്ചു. കൂടുതൽ ഫയർ ഫോഴ്‌സ് യൂണിറ്റുകൾ സ്ഥലത്തെത്തിയാണ് തീ ഇപ്പോള്‍ നിയന്ത്രണ വിധേയമാക്കിയത്.
വർക്ക്ഷോപ്പിന്റെ പെയിന്റിംഗ് യൂണിറ്റിലാണ് ആദ്യം തീപിടിച്ചത്. ഉടൻ തന്നെ നാട്ടുകാർ കാറുകള്‍ തള്ളിപ്പുറത്തേക്ക് മാറ്റി. അതുകൊണ്ട് വലിയ അപകടം ഒഴിവായി. തീപിടിത്തത്തിന്റെ കാരണം വ്യക്തമല്ല.
കയർഫെഡിന്റെയും കേരള സോപ്പിന്റെയും കമ്പനികൾ പ്രവർത്തിക്കുന്നതിന് തൊട്ടടുത്താണ് തീപിടിത്തമുണ്ടായത്. നിരവധി പേർ ജോലി ചെയ്യുന്ന സ്ഥാപനമാണിവ. തീ ഇങ്ങോട്ടേക്ക് പടർന്നാൽ ആളപായവും വലിയ നാശനഷ്ടങ്ങളുമൊക്കെ ഉണ്ടാകാൻ സാദ്ധ്യതയുണ്ടായിരുന്നതായി നാട്ടുകാർ പറയുന്നു.
Discussion about this post