മലപ്പുറം: എസ്.എസ്.എല്‍.സി., ടി.എച്ച്.എസ്.എല്‍.സി. പരീക്ഷകളുടെ മൂല്യനിര്‍ണയം പൂര്‍ത്തിയായി. മെയ് ആദ്യവാരം എസ്.എസ്.എല്‍.സി. ഫലം പ്രസിദ്ധീകരിക്കാനാവുമെന്നാണു വിലയിരുത്തല്‍.
ഹയര്‍സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി പരീക്ഷകളുടെ മൂല്യനിര്‍ണയം അടുത്തയാഴ്ചയോടെ പൂര്‍ത്തിയാകും.
ഈ വര്‍ഷം പ്രതീക്ഷിച്ചതിലും വേഗത്തിലാണ് മൂല്യനിര്‍ണയം പൂര്‍ത്തിയായത്. ഒന്നും രണ്ടും വര്‍ഷ ഹയര്‍സെക്കന്‍ഡറി ക്ലാസുകളിലെ എട്ടരലക്ഷത്തോളം കുട്ടികളുടെ 52 ലക്ഷത്തില്‍പ്പരം ഉത്തരക്കടലാസുകള്‍ ആണ് മൂല്യനിര്‍ണയം നടത്തിയത്. മെയ് പത്തോടെ ഫലം പ്രസിദ്ധീകരിക്കാനാണ് ശ്രമം.
എസ്.എസ്.എല്‍.സി. മൂല്യനിര്‍ണയത്തിന് 70 ക്യാമ്പുകളിലായി 14,000ത്തോളം അധ്യാപകരാണ് പങ്കെടുത്തത്. ഹയര്‍സെക്കന്‍ഡറിയില്‍ 77 ക്യാമ്പുകളിലായി 25,000-ത്തോളം അധ്യാപകര്‍ പങ്കെടുക്കുന്നുണ്ട്. ഹയര്‍സെക്കന്‍ഡറി ക്യാമ്പുകള്‍ ശനിയാഴ്ചയോടെ പൂര്‍ത്തിയായി. ഇനിയുള്ള 25 എണ്ണം ഡബിള്‍ വാലുവേഷന്‍ ക്യാമ്പുകളാണ്.
Discussion about this post