ന്യൂഡല്‍ഹി: അമേഠിയില്‍ പ്രിയങ്ക ഗാന്ധിയുടെ ഭര്‍ത്താവ് റോബര്‍ട്ട് വാധ്രയെ സ്ഥാനാര്‍ത്ഥിയാക്കണമെന്ന് ആവശ്യപ്പെട്ട് പോസ്റ്റര്‍. രാഹുല്‍ ഗാന്ധി വീണ്ടും മത്സരിക്കുമോയെന്ന അനിശ്ചിതത്വം നിലനില്‍ക്കെയാണിത്. അമേഠിയിലെ ജനങ്ങള്‍ ആഗ്രഹിക്കുന്നത് റോബര്‍ട്ട് വാധ്ര ഇത്തവണ വേണമെന്നാണ് എന്നാണ് പോസ്റ്ററിൽ പറയുന്നത്. കോണ്‍ഗ്രസ് പാര്‍ട്ടി ഓഫീസിന് മുന്നിലാണ് വാധ്രയ്ക്കു വേണ്ടി പോസ്റ്റര്‍ പ്രത്യക്ഷപ്പെട്ടത്.
ഗാന്ധി കുടുംബം കാലങ്ങളായി മത്സരിച്ചു വരുന്ന മണ്ഡലമാണ് അമേഠി. കഴിഞ്ഞ തവണ രാഹുല്‍ ഗാന്ധി അമേഠിയില്‍ ബിജെപിയുടെ സ്മൃതി ഇറാനിയോട് പരാജയപ്പെട്ടിരുന്നു. ഇതോടെയാണ് രാഹുല്‍ മണ്ഡലം ഉപേക്ഷിച്ചേക്കുമെന്ന അഭ്യൂഹം പരന്നത്. അതേ സമയം കേരളത്തിലെ തിരഞ്ഞെടുപ്പ് ശേഷം മാത്രമേ അമേഠിയിൽ മത്സരിക്കുന്ന കാര്യത്തിൽ തീരുമാനമാകുകയുള്ളു എന്ന് രാഹുൽ അറിയിച്ചിരുന്നു.
Discussion about this post