മൂന്നാര്‍: ജനവാസമേഖലയില്‍ ഭീതി വിതച്ച് കടുവക്കൂട്ടം. കന്നിമല ലോവര്‍ ഡിവിഷനിലാണ് മൂന്ന് കടുവകള്‍ ഇറങ്ങിയത്. തേയിലത്തോട്ടത്തിന് സമീപത്ത് കൂടെ കടന്ന് പോകുന്ന കടുവകളുടെ ദൃശ്യങ്ങള്‍ പുറത്തുവന്നു. തോട്ടം തൊഴിലാളികളാണ് കടുവകളെ കണ്ടത്. കഴിഞ്ഞ വര്‍ഷം അവസാനം ഒരു കടുവയെ ഇവിടെ നിന്ന് പിടികൂടിയിരുന്നു.
തേയിലത്തോട്ടത്തിന് സമീപത്ത് കൂടെ കടുവകൾ കൂട്ടമായി പോകുന്നതിന്റെ ദൃശ്യങ്ങൾ പുറത്തു വന്നിത്തോടെയാണ് വിവരം പുറത്തറിയുന്നത്. കൂട്ടത്തോടെ കടുവകൾ ഇറങ്ങുന്നത് ഭീതിയിലാഴ്‌ത്തിരിക്കുകയാണെന്ന് പ്രദേശവാസികൾ പറഞ്ഞു.വനംവകുപ്പ് സ്ഥലത്തെത്തി പരിശോധന നടത്തുമെന്ന് അറിയിച്ചു.
Discussion about this post