കണ്ണൂർ: അമ്മയും മകളും വീട്ടിനുള്ളിൽ മരിച്ച നിലയിൽ. കൊറ്റാളി കാവിന് സമീപത്തെ സുനന്ദ വി. ഷേണായി , മകൾ ദീപ വി. ഷേണായി എന്നിവരാണ് മരിച്ചത്. മൃതദേഹത്തിന് മൂന്ന് ദിവസത്തെ പഴക്കമുണ്ടെന്ന് വിവരം. ദുർഗന്ധത്തെ തുടർന്ന് ജനൽ വഴി നോക്കിയപ്പോഴാണ് മൃതദേഹം കണ്ടതെന്ന് അയൽക്കാർ പറഞ്ഞു.
തിരഞ്ഞെടുപ്പ് ദിവസം ഇരുവരും വോട്ട് ചെയ്യാൻ വന്നിരുന്നതയും അതിന് ശേഷം കണ്ടിട്ടില്ലെന്നും നാട്ടുകാർ പറഞ്ഞു. വീട് അടച്ചിട്ട നിലയിലായിരുന്നു. ദുർഗന്ധമുണ്ടായതോടെയാണ് നാട്ടുകാർ വന്നുനോക്കിയത്. തുടർന്ന് പൊലീസിൽ വിവരം അറിയിക്കുകയായിരുന്നു.
10 വർഷമായി ഇവിടെയാണ് താമസിക്കുന്ന ഇവർ മംഗളൂരു സ്വദേശികളാണെന്ന് നാട്ടുകാർ പറയുന്നു. നാട്ടുകാരുമായി ഇവർ വലിയ ബന്ധം പുലർത്തിയിരുന്നില്ല. പരേതനായ വിശ്വനാഥ ഷേണായിയാണ് സുനന്ദയുടെ ഭർത്താവ്.
