തിരുവനന്തപുരം: സംസ്ഥാനത്ത് ദേശീയ വിദ്യാഭ്യാസ നയം അനുസരിച്ചുള്ള നാല് വർഷ ബിരുദ കോഴ്സുകൾ ഈ വർഷം മുതൽ നിലവിൽ വരുമെന്ന് ഉന്നതവിദ്യാഭ്യാസ വകുപ്പ് മന്ത്രി ആർ ബിന്ദു. നാലുവര്ഷം കഴിഞ്ഞാല് ഓണേഴ്സും ലഭിക്കും. മിടുക്കരായ വിദ്യാര്ഥികള്ക്ക് രണ്ടരവര്ഷം കൊണ്ട് ബിരുദപഠനം പൂര്ത്തിയാക്കാനാകുമെന്നും മന്ത്രി പറഞ്ഞു. കേരളത്തിലെ എല്ലാ യൂണിവേഴ്സിറ്റികളിലും എകീകൃത അക്കാദമിക് കലണ്ടര് തയ്യാറായെന്നും എല്ലാ സര്വകലാശാലകളിലെയും ഒരു വര്ഷത്തെ പഠനവും പാഠ്യേതര പ്രവര്ത്തനത്തനവും ഏതാണ്ട് ഒരേ സ്വഭാവത്തിലാണ് തീരുമാനിച്ചിട്ടുള്ളതെന്നും മന്ത്രി അറിയിച്ചു. ഇരുപതാം തീയതിക്കുള്ളില് ബിരുദത്തിനുള്ള പ്രവേശനവിജ്ഞാപനം പുറത്തിറക്കും.
അപേക്ഷകള് സ്വീകരിക്കുന്ന അവസാന തീയതി ജൂണ് ഏഴാണ്. ജൂലായ് അദ്യവാരത്തില് ക്ലാസുകള് ആരംഭിക്കും. എല്ലാ സര്വകലാശാലകളിലെയും രജിസ്ട്രാര്മാര് ചേര്ന്ന സമിതിയാണ് അക്കാദമിക് കലണ്ടര് സമയബന്ധിതമായി പൂര്ത്തിയാക്കിയതെന്നും മന്ത്രി പറഞ്ഞു
അന്തര് സര്കവകലാശാല മാറ്റത്തിനും ഈ പുതിയ രീതി അനുസരിച്ച കൂടുതല് സാധ്യതകള് ഉണ്ട്. വിദ്യാര്ഥികള്ക്കും അധ്യാപകര്ക്കുമായുള്ള സേവനാവകാശ പത്രിക ഉടന് പുറത്തിറക്കും. അഡ്മിഷന് സംബന്ധിച്ച ഹെല്പ് ഡസ്കുകള് എല്ലാ കലാലയങ്ങളിലും സര്വകലാശാലകളിലും സജ്ജമാക്കുമെന്നും മന്ത്രി പറഞ്ഞു.
