കോട്ടയം: മാഞ്ഞൂരിലെ പ്രവാസി വ്യവസായി ഷാജി മോനും പരിസ്ഥിതി പ്രവർത്തകരും തമ്മിൽ സംഘർഷം. ഷാജിമോൻ്റെ സ്ഥാപനത്തിനു മുന്നിലെ പ്ലാവ് കരിഞ്ഞു പോയതുമായി ബന്ധപ്പെട്ടാണ് സംഘർഷമുണ്ടായത്. വനിത പരിസ്ഥിതി പ്രവർത്തക കുസുമം ജോസഫും ഷാജിയും തമ്മിൽ വാക്ക് തർക്കമുണ്ടായി.
ഷാജിമോൻ ഗുണ്ടയെപ്പോലെ പെരുമാറിയെന്ന് കുസുമം ജോസഫ് ആരോപിച്ചു. ആരുടെയോ കയ്യിൽ നിന്ന് പണം വാങ്ങി തന്റെ സ്ഥാപനത്തെ തകർക്കാനാണ് പരിസ്ഥിതി പ്രവർത്തകർ ശ്രമിക്കുന്നതെന്ന് ഷാജിമോനും കുറ്റപ്പെടുത്തി. ഷാജി മോന്റെ സ്ഥാപനത്തിന് മുന്നിലെ പ്ലാവ് കരിഞ്ഞതിനെ ചൊല്ലിയുള്ള വിവാദമാണ് തെരുവ് തർക്കത്തിലേക്ക് നീണ്ടത്.
ഇതുമായി ബന്ധപ്പെട്ട് പരിസ്ഥിതി പ്രവർത്തകർ ഷാജിമോന്റെ സ്ഥാപനത്തിൻറെ മുന്നിലേക്ക് സമരം നടത്തിയതിനെ തുടർന്നാണ് സംഘർഷമുണ്ടായത്. പ്രതിഷേധക്കാർക്ക് മുന്നിലെത്തി അസഭ്യം പറഞ്ഞും പിടിച്ചുതള്ളിയും ഷാജിമോൻ പ്രശ്നമുണ്ടാക്കിയെന്നാണ് പരാതി
വനിത പരിസ്ഥിതി പ്രവർത്തക കുസുമം ജോസഫിനു നേരെയുണ്ടായ കയ്യേറ്റ ശ്രമത്തിനെതിരെ നിയമപരമായി മുന്നോട്ടു പോകുമെന്ന് പരിസ്ഥിതി പ്രവർത്തകർ അറിയിച്ചു. സ്ഥാപനത്തിൻ്റെ കെട്ടിട ലൈസൻസിനെ ചൊല്ലി പഞ്ചായത്തിനെതിരെ മുമ്പ് സമരംചെയ്ത വ്യക്തിയാണ് ഷാജി മോൻ.
Discussion about this post