കോട്ടയം: എംജി യൂണിവേഴ്സിറ്റിയുടെ അക്കാദമിക നിലവാരത്തിനെതിരെ രൂക്ഷ വിമർശനമുയർത്തിയ സന്തോഷ് ജോർജ് കുളങ്ങരയ്ക്കെതിരെ യൂണിവേഴ്സിറ്റി രെജിസ്റ്റാർ. മകളുടെ ഇന്റര്‍നാഷണല്‍ ബാക്കലോറിയേറ്റിന് (ഐബി) ശേഷമുള്ള തുടര്‍പഠനവുമായി ബന്ധപ്പെട്ട് വസ്തുതകള്‍ പരിശോധിക്കാതെ സര്‍വകലാശാലയെയും ജീവനക്കാരെയും ആക്ഷേപിക്കുന്ന രീതിയിലാണ് സോഷ്യല്‍ മീഡിയയില്‍ സന്തോഷ് ജോര്‍ജ് കുളങ്ങര ദൗര്‍ഭാഗ്യകരമായ പ്രസ്താവന നടത്തിയതെന്ന് ആരോപിച്ച് എം.ജി. സര്‍വകലാശാലാ രജിസ്ട്രാര്‍ ഡോ: കെ. ജയചന്ദ്രൻ. പത്ര കുറിപ്പിലൂടെയാണ് രജിസ്ട്രാറിന്റെ വിശദീകരണം
‘ ഇന്റര്‍നാഷണല്‍ ബാക്കലോറിയേറ്റ്(ഐബി) മഹാത്മാ ഗാന്ധി സര്‍വകലാശാല 2007 മുതല്‍ അംഗീകരിച്ചിട്ടുള്ള പരീക്ഷകളുടെ പട്ടികയില്‍ ഉള്‍പ്പെട്ടതാണ്. സര്‍വകലാശാല 2007ല്‍ പ്രസിദ്ധീകരിച്ച അംഗീകൃത ബിരുദങ്ങളുടെയും പരീക്ഷകളുടെയും പട്ടികയില്‍ ഐബിയും (പ്രീ-ഡിഗ്രി) ഉണ്ട്. ഇക്കാലയളവില്‍ ഡിപ്ലോമയ്‌ക്കും പ്രീ ഡിഗ്രിക്കും പ്രത്യേക യോഗ്യതാ ചട്ടങ്ങളാണ് ബന്ധപ്പെട്ട ബോര്‍ഡ് ഓഫ് സ്റ്റഡീസുകള്‍ നിഷ്‌കര്‍ഷിച്ചിരുന്നത്.
2017നു ശേഷം ഓണ്‍ലൈനില്‍ ശരിയായ രീതിയില്‍ അപേക്ഷ സമര്‍പ്പിച്ച ഐബി യോഗ്യതയുള്ളവര്‍ക്ക് തുടര്‍ പഠനത്തിന് ആവശ്യമായ എലിജിബിലിറ്റി സര്‍ട്ടിഫിക്കറ്റ് സര്‍വകലാശാല നല്‍കിയിട്ടുണ്ട്. ഇക്കാലയളവിനു മുന്‍പു നല്‍കിയ സര്‍ട്ടിഫിക്കറ്റുകളുടെ പൂര്‍ണ വിവരങ്ങള്‍ പരിശോധിച്ചുവരികയാണ്.
സന്തോഷ് ജോര്‍ജ്ജ് കുളങ്ങരയുടെ മകള്‍ 2016-17 അധ്യയന വര്‍ഷത്തില്‍ ചങ്ങനാശേരി അസംപ് ഷന്‍ കോളേജില്‍ ബി.എ കമ്മ്യൂണിക്കേറ്റീവ ് ഇംഗ്ലീഷ് പ്രോഗ്രാമിലാണ് പ്രവേശനമെടുത്തിരുന്നത്. സ്വയംഭരണ കോളേജുകളിലെ പ്രവേശന നടപടികള്‍ പൂര്‍ണ്ണമായും കോളേജാണ് നടത്തുന്നത്. അതുകൊണ്ടുതന്നെ പ്രവേശന സംബന്ധമായ വിവരങ്ങള്‍ പ്രവേശനം പൂര്‍ത്തിയായതിനു ശേഷം 30 ദിവസങ്ങള്‍ക്കുള്ളില്‍ കോളജ് സര്‍വകലാശാലയില്‍ സമര്‍പ്പിക്കണമെന്നാണ് ചട്ടം. എന്നാല്‍ പ്രസ്തുത വിദ്യാര്‍ഥിനി 2016 ജൂലൈ എട്ടിനാണ് 534508 എന്ന ചെലാന്‍ പ്രകാരം ഫീസ് അടച്ച് കോളജില്‍ സമര്‍പ്പിക്കുന്നതിനുള്ള എലിജിബിലിറ്റി സര്‍ട്ടിഫിക്കറ്റിനായി സര്‍വകലാശാലയില്‍ അപേക്ഷ സമര്‍പ്പിച്ചത്. അപേക്ഷയില്‍ തുടര്‍ നടപടി സ്വീകരിച്ച ് 2016 ഒക്ടോബര്‍ അഞ്ചിന് സര്‍വകലാശാല അപേക്ഷകയ്‌ക്ക് അറിയിപ്പ് നല്‍കിയിരുന്നു.
പഠനമാരംഭിച്ച് ഒരു വര്‍ഷത്തിനു ശേഷമാണ് സര്‍വകലാശാല മറുപടി നല്‍കിയതെന്ന ആരോപണം വസ്തുതാവിരുദ്ധമാണ്. എങ്കിലും ഇതുമായി ബന്ധപ്പെട്ട് സര്‍വകലാശാലയുടെ ഭാഗത്തുനിന്നും എന്തെങ്കിലും ന്യൂനതകള്‍ സംഭവിച്ചിട്ടുണ്ടോ എന്ന് വിശദമായി അന്വേഷിച്ചുവരികയാണ്. വസ്തുതകള്‍ പരിശോധിക്കാതെ സര്‍വകലാശാലയെയും ജീവനക്കാരെയും ആക്ഷേപിക്കുന്ന രീതിയില്‍ സന്തോഷ് ജോര്‍ജ് കുളങ്ങര നടത്തിയ പ്രസ്താവന ദൗര്‍ഭാഗ്യകരമാണ്. പത്ര കുറിപ്പിൽ വിശദീകരിക്കുന്നു.
