റെയിൽവെ ട്രാക്കിൽ വെള്ളക്കെട്ട്: ട്രെയിനുകൾ ഭാഗികമായി റദ്ദാക്കി

തൃശൂരിൽ റെയിൽവെ ട്രാക്കിൽ വെള്ളം കയറിയതോടെ നാളത്തെ ട്രെയിനുകൾ ഭാഗികമായി നിർത്തി. പൂങ്കുന്നം – ഗുരുവായൂർ റൂട്ടിൽ റെയിൽവെ ട്രാക്കിൽ വെള്ളക്കെട്ടിനെ തുടർന്ന് നാളത്തെ നാല് ട്രെയിൻ സർവീസുകളാണ് ഭാഗികമായി റദ്ദാക്കിയത്.

വ്യാഴാഴ്ചത്തെ ഗുരുവായൂർ – തിരുവനന്തപുരം ഇന്റർസിറ്റി (16342), ഗുരുവായൂർ – മധുരൈ എക്‌സ്പ്രസ് (16328) എന്നീ ട്രെയിനുകൾ തൃശൂരിൽ നിന്നാകും യാത്ര ആരംഭിക്കുക.
ഗുരുവായൂർ – എറണാകുളം പാസഞ്ചർ (06439) പുതുക്കാട് നിന്നും സർവീസ് നടത്തും. എറണാകുളം – ഗുരുവായൂർ പാസഞ്ചർ ട്രെയിൻ തൃശൂർ വരെ മാത്രമേ സർവീസ് നടത്തൂ.
ഉച്ചയ്ക്കുള്ള ഗുരുവായൂർ – എറണാകുളം പാസഞ്ചർ (06447) തൃശൂരിൽ നിന്നുമാത്രമേ യാത്ര തുടങ്ങൂ. തൃശൂർ – കണ്ണൂർ പാസഞ്ചർ ഷൊർണൂരിൽ നിന്നാകും സർവീസ് തുടങ്ങുക.

ഷൊർണൂർ – തൃശൂർ (06461), ഗുരുവായൂർ – തൃശൂർ (06445), തൃശൂർ – ഗുരുവായൂർ (06446) പാസഞ്ചർ ട്രെയിനുകൾ പൂർണമായും റദ്ദാക്കിയതായും റെയിൽവേ അറിയിച്ചു. ഇന്ന്
രാത്രി ഗുരുവായൂർ – ചെന്നൈ എഗ്മൂർ (16128) എക്‌സ്പ്രസ് (31ന് രാത്രിയുള്ളത്) തൃശൂരിൽ നിന്നാകും യാത്ര ആരംഭിക്കുക.

കഴിഞ്ഞ ദിവസം വ​ള്ള​ത്തോ​ൾ ന​ഗ​റി​നും വ​ട​ക്കാ​ഞ്ചേ​രി​ക്കു​മി​ട​യി​ൽ പാ​ള​ത്തി​ൽ വെ​ള്ളം ക​യ​റി​യ​തി​നെ തു​ട​ർ​ന്ന്​ സം​സ്ഥാ​ന​ത്തെ ട്രെ​യി​ൻ ഗ​താ​ഗ​തം സ്തം​ഭി​ച്ചു. ജ​ന​ശ​താ​ബ്​​ദി ഉ​ൾ​പ്പെ​ടെ 14 ട്രെ​യി​നു​ക​ൾ പാ​തി​വ​ഴി​യി​ൽ യാ​ത്ര അ​വ​സാ​നി​പ്പി​ച്ചു. നാ​ല്​ ട്രെ​യി​നു​ക​ൾ പൂ​ർ​ണ​മാ​യി റ​ദ്ദാ​ക്കി. വ​ന്ദേ​ഭാ​ര​തു​ക​ള​ട​ക്കം നി​ര​വ​ധി ട്രെ​യി​നു​ക​ൾ വൈ​കി​യാ​ണ്​ ഓ​ടി​യ​ത്. വ​ള്ള​ത്തോ​ൾ ന​ഗ​റി​നും വ​ട​ക്കാ​ഞ്ചേ​രി​ക്കു​മി​ട​യി​ൽ അ​ക​മ​ല​യി​ൽ ട്രാ​ക്കി​ലെ ക​ല്ലും മ​ണ്ണു​മ​ട​ക്കം വെ​ള്ള​​ത്തോ​ടൊ​പ്പം ഒ​ലി​ച്ചു​പോ​വു​ക​യാ​യി​രു​ന്നു.