ജമ്മു കശ്മീരിലെ കുപ്വാര ജില്ലയിൽ ഭീകരരുമായുണ്ടായ ഏറ്റുമുട്ടലിൽ മൂന്ന് സൈനികർക്ക് പരിക്കേറ്റു. മൂന്ന് ദിവസത്തിനിടെ കുപ്വാരയിൽ നടന്ന രണ്ടാമത്തെ ഏറ്റുമുട്ടലാണിത്. ജില്ലയിലെ കാംകാരി മേഖലയിൽ തീവ്രവാദ വിരുദ്ധ പ്രവർത്തനത്തിനിടെയാണ് ആക്രമണം ആരംഭിച്ചത്.
കുപ്വാരയിലെ കംകാരി മേഖലയിൽ ഭീകരാക്രമണ സാധ്യതയുണ്ടെന്ന വിവരത്തെ തുടർന്നാണ് സുരക്ഷാസേന പ്രദേശത്ത് തിരച്ചിൽ നടത്തിയത്. സുരക്ഷാ സേനയ്ക്ക് നേരെ ഭീകരർ വെടിയുതിർക്കുകയായിരുന്നു.
നേരത്തെ ജൂലൈ 24 ന് കുപ്വാരയിലെ ലോലാബ് മേഖലയിൽ ഭീകരരുമായുണ്ടായ ഏറ്റുമുട്ടലിൽ അജ്ഞാതനായ ഒരു ഭീകരനെ സുരക്ഷാ സേന വധിച്ചിരുന്നു. ഈ ഏറ്റുമുട്ടലിൽ ഒരു സൈനികൻ വീരമൃത്യു വരിക്കുകയും ചെയ്തിരുന്നു.
Discussion about this post