തിരുവനന്തപുരം: പി ശശിയുടെ അനധികൃതമായ ഇടപെടലുകൾ ശക്തമാകുന്നു എന്ന പരാതിയുമായി പി വി അൻവർ പാർട്ടിയെ സമീപിക്കും. ഇന്നലെ മുഖ്യമന്ത്രിയെ കണ്ടതിനു പിന്നാലെ ഹതാശനായി പുറത്തുവന്ന അൻവർ നടപടികളുമായി ഇനി മുന്നോട്ട് പോകില്ലേ എന്നാണ് കരുതിയിരുന്നത്.
എഡിജിപി എം.ആർ അജിത് കുമാർ, മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി എന്നിവർക്കെതിരെ ഉന്നയിച്ച ഗുരുതര ആരോപണങ്ങളുമായി പി വി അൻവർ ഇന്ന് പാർട്ടിക്ക് പരാതി നൽകും എന്നാണ് കരുതപ്പെടുന്നത് . പാർട്ടി സംസ്ഥാന സെക്രട്ടറി എംവി ഗോവിന്ദനെ നേരിട്ടുകണ്ടാണ് പരാതി നൽകുക. മുഖ്യമന്ത്രിക്ക് നൽകിയ പരാതിയുടെ പകർപ്പ് സംസ്ഥാന സെക്രട്ടറിക്ക് നൽകാനാണ് കൂടിക്കാഴ്ച.
മുഖ്യമന്ത്രി സമഗ്രമായ അന്വേഷണം ഉറപ്പുനൽകിയെന്നും ഇനി പാർട്ടി തലത്തിലാണ് അന്വേഷണം വേണ്ടതെന്നുമാണ് അൻവറിന്റെ ആരോപണം. ശശി സൂപ്പർ മുഖ്യമന്ത്രി ചമയുന്നുവെന്ന പരാതി ഏറെക്കാലമായി സിപിഎമ്മിനുളിൽ പുകഞ്ഞു കൊണ്ടിരിക്കുകയാണ് . ഇത് തന്നെയായിരിക്കും പി വി അൻവർ പാർട്ടിയെ അറിയിക്കുക
