ശ്രീനഗർ: ജമ്മു കശ്മീരിലെ ബുദ്ഗാമിൽ സൈനിക വാഹനം കൊക്കയിലേക്ക് മറിഞ്ഞ് ഉണ്ടായ അപകടത്തിൽ അതിർത്തി സുരക്ഷാ സേനയിലെ (ബിഎസ്എഫ്) 4 സൈനികർക്ക് വീരമൃത്യു. അപകടത്തിൽ 28 പേർക്ക് പരിക്കേറ്റു. നിയമസഭാ തെരഞ്ഞെടുപ്പിൻ്റെ രണ്ടാം ഘട്ട തിരഞ്ഞെടുപ്പ് ഡ്യൂട്ടിക്കായി പോയ സൈനികർ സഞ്ചരിച്ച വാഹനമാണ് അപകടത്തിൽ പെട്ടത്.
36 സൈനികരാണ് വാഹനത്തിൽ ഉണ്ടായിരുന്നത്. ബുദ്ഗാം ജില്ലയിലെ വതർഹാലിലെ ബ്രെലിന് സമീപമുള്ള കൊക്കയിലേക്ക് ആണ് വീണത്.
നാട്ടുകാരുടെ സഹായത്തോടെ രക്ഷാപ്രവർത്തനം നടത്തി പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിക്കുകയായിരുന്നു. അപകടത്തിൽ ബസ് പൂർണമായും തകർന്നു.
Discussion about this post