തിരുവനന്തപുരം∙ തിരുവനന്തപുരം വിമാനത്താവളത്തിൽ നിന്നു രാവിലെ എട്ടു മണിക്ക് മസ്‌കത്തിലേക്കു പുറപ്പെടേണ്ടിയിരുന്ന എയർ ഇന്ത്യ എക്‌സ്പ്രസ് വിമാനത്തിൽ പുക കണ്ടെത്തിയതിനെ തുടർന്നു യാത്രക്കാരെ പുറത്തിറക്കി.
പുറപ്പെടാൻ തുടങ്ങുന്നതിനു തൊട്ടുമുൻപാണ് വിമാനത്തിൽ പുകയും ദുർഗന്ധവും അനുഭവപ്പെട്ടത്. യാത്രക്കാർ ബഹളം വച്ചതോടെയാണ് സംഭവം ശ്രദ്ധയിൽപ്പെട്ടത്. വിമാനം റൺവേയിൽ എത്തിയപ്പോഴായിരുന്നു സംഭവം.
142 യാത്രക്കാരും സുരക്ഷിതരാണെന്ന് അധികൃതർ വ്യക്തമാക്കി. തീപിടിത്തം അല്ലെന്നും അധികൃതർ അറിയിച്ചു. സംഭവത്തിൽ പരിശോധന നടക്കുകയാണെന്നും വിമാനത്താവള അധികൃതർ വ്യക്തമാക്കി. യാത്രക്കാരെ സുരക്ഷിതരായി ടെർമിനലിലേക്കു മാറ്റി. ബദൽ സംവിധാനം ഒരുക്കുന്നതിൽ തീരുമാനമായിട്ടില്ല.
Discussion about this post