ന്യൂസിലാൻഡ്: പരസ്പ്പര ആലിംഗനത്തിന് സമയപരിധി നിശ്ചയിച്ച് ന്യൂസിലാൻഡ് എയർപോർട്ട്. ന്യൂസിലൻഡിലെ ഈ വിമാനത്താവളത്തിൽ ഇറങ്ങുമ്പോഴും പുറപ്പെടുമ്പോഴും നിങ്ങളുടെ വൈകാരിക നിമിഷങ്ങൾക്ക് സമയപരിധി 3 മിനിറ്റാണ്.
സൗത്ത് ഐലൻഡിലുള്ള ഡൺഡിൻ അന്തരാഷ്ട്ര വിമാനത്താവളത്തിലാണ് ആലിംഗനത്തിന് സമയപരിധി വെച്ചിരിക്കുന്നത്. പരമാവധി മൂന്ന് മിനിറ്റേ നിങ്ങളുടെ പ്രിയപ്പെട്ടവരുമായുള്ള വിമാനത്താവളത്തിലെ ഡ്രോപ്പ് ഓഫ് സോണിൽ വൈകാരിക നിമിഷം നീണ്ടു നിൽക്കേണ്ടതുള്ളൂവെന്നാണ് ചട്ടം.
സുരക്ഷ മെച്ചപ്പെടുത്തുന്നതിനും ഡ്രോപ്പ്-ഓഫ് സോണിൽ ഗതാഗതം കുരുക്ക് ഒഴിവാക്കുന്നതിനുമുള്ള ശ്രമത്തിന്റെ ഭാഗമായാണ് ഈ ആലിംഗന നിയന്ത്രണമെന്നാണ് വിശദീകരണം.
വിമാനത്താളങ്ങളിൽ ആളുകളെ വാഹനത്തിൽ നിന്ന് ഇറക്കുന്ന ഭാഗങ്ങളിൽ നിയന്ത്രണം സംബന്ധിച്ച ബോർഡുകൾ സ്ഥാപിച്ചിട്ടുണ്ട്. ‘പരമാവധി ആലിംഗന സമയം 3 മിനിറ്റ്. പ്രിയപ്പെട്ടവരുടെ യാത്രപറച്ചിലുകൾക്കായി ദയവായി കാർ പാർക്ക് ഉപയോഗിക്കുക’, ബോർഡുകളിൽ പറയുന്നു.
നിയമം അനുസരിച്ചില്ലെങ്കിൽ പിഴ അടക്കമുള്ള നടപടികൾ ഉണ്ടാകുമെന്ന് വിമാനത്താവള എക്സിക്യുട്ടീവ് ഡാൻ ഡി ബോനോ പറഞ്ഞു.
ഡ്രാപ്പ്-ഓഫ് സോണിൽ വളരെയധികം ആളുകൾ കൂടുതൽ സമയമെടുക്കുന്നു. മറ്റുള്ളവർക്ക് ഇത് തടസ്സമുണ്ടാക്കുന്നുവെന്നും അദ്ദേഹം കൂട്ടിച്ചേർത്തു.
Discussion about this post